GRØN GLEDE: Her er heile småguttetroppen til Jotun, både ellevarlaget og sjuarlaget, samla til felles lagbilete på Norway Cup. Dei første er allereie klare for A-sluttspelet, medan dei siste treng siger i siste gruppespelskamp.
GRØN GLEDE: Her er heile småguttetroppen til Jotun, både ellevarlaget og sjuarlaget, samla til felles lagbilete på Norway Cup. Dei første er allereie klare for A-sluttspelet, medan dei siste treng siger i siste gruppespelskamp. (Bilde: Jotun)

Jotun sørga for ny sognajubel på Norway Cup

G14-laget gjekk i dag vidare til A-sluttspel med full pott. Seinare på kvelden følgde J17-laget etter.

Ekebergsletta: Dagens 1-0 siger mot gruppefavorittane Gimse IL sørga for at at G14-laget til Jotun tok seg vidare i turneringa utan poengtap.

– Det er fantastisk for gutane. Dei sluttar ikkje å overraska, det er heilt sikkert, seier Ivan Øy, ein av trenarane.

IMPONERT GJENG: Lagleiarar til Jotun har kunna nyte festfotball så langt under Norway Cup. Frå venstre: Håvard Trollebø (trenar, Ken Ørjan Klingenberg (trenar), Ørjan Tørnes (reiseleiar) og Ivan Øy (trenar).
IMPONERT GJENG: Lagleiarar til Jotun har kunna nyte festfotball så langt under Norway Cup. Frå venstre: Håvard Trollebø (trenar, Ken Ørjan Klingenberg (trenar), Ørjan Tørnes (reiseleiar) og Ivan Øy (trenar). Foto: Jotun

Då vi ringer er han på veg til Ekebergsletta for å støtte sjuarlaget som spelar halv åtte. Med siger er dei òg vidare til A-sluttspelet, med andre ord to av to påmelde gutelag.

– Det er i tilfelle i overkant av det me hadde forventa i fortant, så det blir spennande å sjå, seier Øy.

Sjuarlaget tapte til slutt kampen mot Jardar IL 0-1 og må dermed ta til takke med B-sluttspel.

Jotun har òg to jentelag med i turneringa. J17-laget hadde greidd seg med uavgjort i siste kamp for å gå vidare til A-sluttspelet, men slo i kveld til med 1-0 siger mot Utleira IL 2 og tok dermed gruppesigeren.

J14-laget er klar for B-sluttspel etter at dei i dag sikra nest sisteplass i gruppa med ein solid 5-0 siger over Radøy/Manger FK.

Til toppen