TURISTMAGNET: Bedrifter i Lærdal og Vang håper at Kongevegen over Filefjell skal lokka vandreturistar frå heile verda til området.
TURISTMAGNET: Bedrifter i Lærdal og Vang håper at Kongevegen over Filefjell skal lokka vandreturistar frå heile verda til området.

Kongevegen har fått ny sjef

Odd Helge Brugrand sluttar som journalist for å bli ein noko spesiell «vegsjef».

Lærdal: Odd Helge Brugrand frå Lærdal er tilsett som dagleg leiar og prosjektleiar for Kongevegen over Filefjell, eit nettverk av kring tretti bedrifter i Valdres og Sogn. Det opplyser selskapet i ei pressemelding fredag.

NY KONGEVEGSJEF: Odd Helge Brugrand fotografert under ein munter augneblink då han vart presentert for årsmøte i Kongevegbedrifter Filefjell SA. Foto: Knut H. Maristuen

Totalt omset bedriftene for om lag 100 millionar kroner i året.

– I tillegg til å koordinere drifta av nettverket, skal Brugrand utvikla turpakker, selga og marknadsføra Kongevegen som vandredestinasjon, og utvikla ulike prosjekt, seier Knut Horvath Maristuen, styreleiar i selskapet bak bedriftsnettverket, i pressemeldinga.

Kontor i Tallin

Brugrand gjekk frå journalistjobben i NRK til bedriftsnettverket for Kongevegen i mars. Til dagleg vil han halda kontor i Tallinn, der han bur. I feriar og i sesongen vil han derimot vera på plass lokalt, i Lærdal og i Vang.

Kongevegen over Filefjell

  • Kongevegen over Filefjell var den første køyrevegen mellom Austlandet og Vestlandet, beordra av Christian VII (Frederik VI) og bygd i 1790-åra.
  • I dag er vegen restaurert til ei ti mil lang vandrerute mellom Vang i Valdres og Lærdalsøyri i Lærdal.
  • I 2015 fekk Kongevegen over Filefjell «Vegdirektørens Pris» også kalla «Vakre Vegars Pris».
  • I 2017 fekk Kongevegen over Filefjell den høgsthenganede kulturminneprisen til EU, Europa Nostra, som det første veghistoriske kulturminnet nokon gong.

– Eg har tru på Kongevegen, seier Brugrand i pressemeldinga.

– Her kan eg utnytta den gode jobben mange folk har gjort før meg til å vidareutvikla eit fantastisk reiselivsprodukt med internasjonalt potensial, seier han.

Odd Helge Brugrand er utdanna statsvitar og journalist.

Han har jobba i VG, Aftenposten og NRK, var i fleire år utanriksreportar i Aust-Europa, og har gitt ut fleire bøker.

Til toppen