KAMP: Kaupanger sigra over Bryne søndag. Foto: arkiv
KAMP: Kaupanger sigra over Bryne søndag. Foto: arkiv

Kontrollert kamp av Kaupanger 

- Jentene hadde god kontroll på kampen etter første målet, seier trenar Øystein Lindesteg Rinde.  

Kaupanger – Bryne: 4-1

Kaupanger møtte Bryne på heimebane søndag. Kampen enda med siger til jentene frå Kaupanger.

Miriam Vilnes Mjåseth scora Kaupanger sitt første mål i kampen. 10 minutt etter scorar Tea Berteig deira andre. Like før pause scorar Tea Berteig enda eit mål, og Kaupanger går dermed til pause med ei leiing på tre mål.

- Jentene hadde god kontroll etter første målet. Me ledar 3-0 til pause, og føler eigentleg at me har kontroll på sigeren, fortel trenar Øystein Lindesteg Rinde. 

Godt gjennomført kamp

I andre omgang scorar Miriam Vilnes Mjåseth sitt andre mål i kampen. Då det berre er 10 minutt igjen av kampen, leiar Kaupanger 4-0 over Bryne. Etter 80 minutt får Oline Øfsteng og Bryne eit mål.  

- I andre omgang får me 4-0, og ser at dette går vår veg. Bryne får til slutt eit trøstemål, og kampen endar 4-1. Det er ein godt gjennomført kamp av jentene.

- Det me må jobbe med framover er å ha meir trøkk i byrjinga av kampane. Men eg er godt nøgd med dagens kamp, avlsuttar han. 

Til toppen