Langløp: Unngå klassiske feil

Skal du løpe heil- eller halvmaraton i næraste framtid? Her kjem nokre av dei mest vanlege feila ein brenner seg på!

Du trappar ikkje tilstrekkeleg ned på treninga
Dersom du har hatt ei bra opptreningsperiode med mykje og riktig trening, blir ikkje den siste tida før løpet avgjerande for resultatet på løpsdagen. Ikkje gå i fella og tenk at du bør presse deg for å "spisse formen" når det er att ei veke til startskotet går. Dei siste treningsøktene dine før løpet bør heller vere rolige, gjerne med halvparten av intensiteta som du elles har trent på. Dette gjer at kroppen byggjer opp energilagera, og du unngår å stille til start med ein allereie sliten kropp.

Du et ikkje riktig i forkant av løpet
I veka før løpsdagen bør du tenkje ekstra godt over kva mat du får i deg. Kroppen treng fulle karbohydratlager for å prestere. For å best mogleg fylle desse lagera bør du ete godt med karbohydrat, samt protein og feitt. Sørg også for å få i deg tilstrekkeleg med væske slik at kroppen er godt hydrert. På sjølve løpsdagen bør du få i deg lett mat. Unngå store og tunge måltid og mat med høgt fiberinnhold.

Feil bekledning på løpsdagen
Fyrst og fremst: Kle deg etter vêret. Hugs likevel på at bekledning som kan kjennast rett når du står og ventar på startstreken kan kjennast heilt feil undervegs i løpet. Kroppstemperaturen stig når du er i bevegelse, og du bør unngå å ha på deg for mykje klede. Unngå også klær og sko med sømmar som gnagar eller som kjennast ubehagelege, då dette vil kjennast ekstra godt etter nokre kilometer. Løpsdagen er heller ikkje dagen for å prøve ut eit flunkande nytt par med løpesko eller den nye tightsen. Velg klede du har brukt i opptreninga og som du veit fungerer.

Du går for hardt ut i starten
Stemninga er på topp når alle startar å løpe, du kjem til å kjenne deg supermotivert og du vil aller helst konkurrere ut sidemannen så fort som mogleg, men hold tilbake. For å sikre energi som held heile løpet bør du leggje deg på ei roleg intensitet i starten, og heller auke på undervegs om du kjenner at du har meir å gå på. Porsjoner kreftene dine! Du vil ikkje risikere å ende opp med melkesyre og makspuls når du kun er halvvegs.

For lite energi og dehydrering
I mange løp er det stasjonar undervegs med vatn, sportsdrikk, frukt eller anna - og dei er der av god grunn. Erfarne løparar veit at dei ikkje tapar tid på å fylle på med væske og energi undervegs, sjølv om dei ikkje kjenner seg slitne eller tørste. Det å fylle på med væske og energi virkar førebyggjande på at du seinare går tom og sakkar ned tempoet - du sparar dermed tid! Visste du at prestasjonsevna di går ned med 10% for kvar 1% av kroppsvekta di som er dehydrert?

Med dette håpar eg at du er hakket meir klar for den store dagen - lukke til! ☺

 

NVE: Meir regnflaum framover

Ifølgje Noregs vassdrags- og energidirektorat (NVE) vil det bli mellom 20 og 40 prosent auke i flaumvassføringa i fleire vassdrag dei neste 100 åra.

Til toppen