STANS: Lastebilen står i Lærdalstunnelen.
STANS: Lastebilen står i Lærdalstunnelen. (Foto: Privat)

Vogntog med stans i Lærdalstunnelen: –Luftslange rauk

Bilbergar er på veg til staden. Tunnelen blir stengd til vogntoget er berga.

Lærdal: I morgontimane fredag er Lærdalstunnelen midlertidig stengd grunna eit vogntog med stans i tunnelen. 

Klokka 09.15 vart tunnelen igjen opna for trafikk.

Porten-tipsar på staden fortel at luftslangen rauk på vogntoget, dermed låste bremsene seg.

Det vart observert tydlege bremsespor i vegbana og røyk rundt bilen.

Naudetatane vart varsla gjennom at eit brannslokkingsapparat vart aktivert frå tunnelveggen.

Politi med blålys kom etterkvart til staden. 

Bilbergar varsla

STANS: Lastebilen står i Lærdalstunnelen. Etterkvart fekk bilane bak køyre forbi, men tunnelen er enno stengd. Foto: privat

Lastebilen vart ståande, og må ha hjelp av bilbergar til å komme seg vidare. Det er opplyst at bilbergar er på veg. 

– Me har bestilt bilbergar. I samråd med politiet held me tunnelen stengd fram til vogntoget er ute av tunnelen, seier Albert Sherington i Vegtrafikksentralen til Porten.no. 

Stengd ei stund til 

Han seier bergar vil vere på plass innan om lag 20 minutt.

– Eg reknar med at dei vil prøve å fiksa luftslangen på staden. Då kan vogntoget sjølv køyre ut, og ikkje treng å bli trekt ut av tunnelen, seier han. 

Til toppen