FYLTE KYRKJA: Helga Farestveit, tre kor, kantor Bert Brons og dei øvrige musikarane fylte kyrkjerommet med lyd tysdag - for ei ganske fullsett kyrkje. Foto: Ole Ramshus Sælthun
FYLTE KYRKJA: Helga Farestveit, tre kor, kantor Bert Brons og dei øvrige musikarane fylte kyrkjerommet med lyd tysdag - for ei ganske fullsett kyrkje. Foto: Ole Ramshus Sælthun

Lita kvinne, stor stemme

Helga Farestveit er ikkje stor av vekst, men songaren frå Sogndal fylte Farnes kyrkje med stemma si tysdagen av Kulturveka

Årdal: – Det var kjempeflott å få koma til Årdal og synga i den fantastiske akustikken i Farnes kyrkje. Og det er veldig inspirerande å jobba med Bert - han har ein eigen utstråling og gjer at det blir mindre avstand mellom artistane og publikum, seier Helga Farestveit.

24-åringen frå Sogndal studerer klassisk song ved Musikkonservatoriet i Kristiansand. Tysdag song ho saman med kora i Årdal og Lærdal under Kulurveka i Farnes kyrkje.

– Det var meir publikum enn eg trudde det kom til å bli; dei var med og gav oss veldig god respons. Å synga saman med kora i Årdal og Lærdal heime i flotte Sogn vart ei heilt spesiell oppleving, vanskeleg å setja ord på, eigentleg. Så er jo årdølene veldig koselege, seier ho.

Artikkelen held fram under biletet

TRE KOR: Tysdag var korkveld under Kulturveka; både Årdalskoret, Årdal gospelkor og Lærdal songkor kom på scena. Her førstnemnde dirigert av Bert Brons.
TRE KOR: Tysdag var korkveld under Kulturveka; både Årdalskoret, Årdal gospelkor og Lærdal songkor kom på scena. Her førstnemnde dirigert av Bert Brons.

– Oppsummerande for alt eg driv med

Repertoaret spende svært vidt frå stykket «Didos klage» - opera frå barokken på 1600-talet via viser som «Vestland, Vestland» til moderne pop og rock som Sting og Bob Dylan.

– På ein måte er dette oppsummerande for alt eg driv med. No studerer eg altså klassisk song her i Kristiansand. Så tek eg oppdrag i ulike lag - fra seminar til bursdagar - der det skal vera meir jovialt. Og eg syng ein del meir moderne pop. Så det var kjekt å kunne visa fram heile breidda.

Les også: Frå opera til Sting under Kulturveka

Farestveit håpar å kunne leva av songen, og trur ei allsidig tilnærming kan vera eit godt utgangspunkt. 

Artikkelen held fram under biletet

HEILE KROPPEN: Det er ikkje tvil om at Helga Farestveit brukar heile kroppen når ho syng opera.
HEILE KROPPEN: Det er ikkje tvil om at Helga Farestveit brukar heile kroppen når ho syng opera.

Brukar heile kroppen

– Eg trur det er positivt å ta varierte oppdrag. Det blir ein styrke å ha fleksibiletet, vera allsidig, og «allround».

Og når det gjeld operaen spesielt; korleis kan ei lita kvinne ha ei så stor stemme? Nettopp ved å ikkje berre bruka stemma.

– Opera er ein teknikk som krev mange år å byggja, og det er utruleg spennande. Ein syng ikkje berre med stemma, men heile kroppen blir eit instrument. Alle kan opna opp og bruka klangen i kroppen, men det tek altså veldig lang tid å byggja ei operastemma. Eg byggjer ei verktøykasse med kroppen min til å utvikla min kunst.

Til toppen