HÅPAR PÅ SNØ: Slike forhold håpar dei på i Aurland ein av dei komande helgene så dei kan få avvikla første skirennet i skikarusellen Aurland idrettslag arrangerer. Illustrasjonsfoto
HÅPAR PÅ SNØ: Slike forhold håpar dei på i Aurland ein av dei komande helgene så dei kan få avvikla første skirennet i skikarusellen Aurland idrettslag arrangerer. Illustrasjonsfoto

Lite snø skapar skitrøbbel i Aurland

Først utsette skigruppa årets første skirenn frå laurdag til søndag med håp om at det skulle koma nok snø. Men det gjorde det ikkje.

Aurland: – Det er mest is på Østerbø, og nesten farleg. Vanskeleg å få laga til løyper er det også. Det kan vera me prøver neste søndag att, men på Yr ser det heller dårleg ut, seier leiar i skigruppa i Aurland idrettslag Evy Veum.

Dei har ein skikarusell med fire skirenn i løpet av året, og eigentleg skulle første renn gå av stabelen i dag, laurdag. Grunna lite snø vart det først utsett til søndag.

Les også: Vêrforholda har utfordra skisporten denne vinteren​

– Men me må utsetja det igjen, for det regnar på Østerbø. Me får satsa på sein vinter til fjells. Om det ikkje går neste søndag, håpar me på å få avvikla rennet som er sett opp 5. mars, seier Veum.

Til toppen