TOPP: Fire av dei mest leste sakene i 2020.
TOPP: Fire av dei mest leste sakene i 2020. (Foto: Arkiv)

Liv Frøydis har uhelbredelig kreft, søstrene spelte til minne for broren. Dette er dei seks mest leste sakene i 2020

Har du fått med deg alle? Om ikkje, får du ein god oppfriskar i denne saka.

Indre Sogn: Etter mange år med kreft, vart Liv Frøydis Norevik (54) i 1999 erklært frisk og kreftfri. 

Her kunne historien ha enda som ei solskinnshistorie. Om korleis eit menneske kjempar mot kreften, blir kvitt den, og vinn. Men for Frøydis blei verkelegheita annleis. 

I 2014 skjedde det som ikkje skulle skje. Uhelberedeleg kreft. 

– Eg må no berre leva med det, og håpa på at kreften ikkje spreier seg meir. Eg kan ikkje leva i frykt, og eg har aldri vore inne på Internett og lese om kreft eller behandling. Det torer eg ikkje. 

– Eg lever dag for dag, for ein kan ikkje leva i frykt. Og så håpar eg at eg får feira 60-årsdagen min om vel fem år. 

Les heile saka her.

TEK DAG FOR DAG: Tilbakefallet kom etter 16 år som kreftfri. Foto: Linda Marie Watten

Yahya kom til Norge i 2014. No er han bonde på jakt etter ein gard til sals

Ali kom til Norge i 2014, og likar seg godt i kunstnarbygda. Der bur han saman med kona si, tre søner og ei dotter. Etter fire år i landet, fekk han leige området som han no driv garden sin på. 

– Eg jobbar heile tida. Frå klokka åtte til fire er eg snekkar, så er det nett heim å ete middag før eg jobbar her på garden frå klokka sju til midnatt, seier han. 

Les heile saka her

BONDE: Yahya Zaki Al Haj Ali kom til Norge i 2014, i 2018 starta han gardsdrifta på Lindehagen. Foto: Henrik Thorsnes Lefdal

Spelte til minne for broren som tok sitt eige liv 

Då Kaupanger spelte årets første treningskam mot Skreia, hamna det sportslege i skuggen for det kampen eigentleg handla om.

Ikledd same drakt spelte søstrene Agnethe, Marthe og Beate Gjerde Stølen frå Lærdal for å heidra minnet til broren Eirik, som tok sitt eige liv i april i fjor.

– Meininga med heile kampen er at det skal bli meir merksemd rundt sjølvmord. Korleis me skal oppføra oss mot ein som har sjølvmordstankar, eller har forsøkt å ta livet sitt, og korleis me skal oppføra oss mot etterlatte, seier Marthe Gjerde Stølen, som tidlegare spelte for Kaupanger.

Les heile saka her

SAMLA I SORGA: Søstrene Agnethe, Marthe og Beate Gjerde Stølen frå Lærdal ønskjer å førebygga sjølvmord med openheit og kunnskap. Foto: Halvor Farsund Storvik

Iben (24) jobbar for to og har nettopp kjøpt seg hus: – Du må jobba for det du vil ha

Kva får ein ung gut til å jobba så mykje? Draumar, mål, og trivsel, ifølgje han sjølv. 

Det har ikkje alltid vore like enkelt for Iben. Han har mange år med negative opplevingar i bagasjen. 

– Nei, livet har ikkje alltid vore like bra. Det var litt vanskeleg før, og eg har gått gjennom litt forskjellig. 

– Men eg har kome sterkare ut av det, og eg ville ikkje ha bytta vekk det vonde for noko likevel, for då trur eg ikkje at eg hadde vore den personen eg er i dag. Eg trur ikkje eg hadde vore så positiv og blid. 

Les heile saka her

PÅ TYA: Her er Iben Storli Øvstetun på Tya der han har ein av to jobbar. Foto:  Privat

Møt dei nye sogningane: – Eg skal bu i Sogn til eg døyr

Det er dystre utsikter når det gjeld folketalet i store deler av Noreg, men spesielt i Sogn. Fleire peiker på at innvandrarar kan vera redninga. Men er det løysinga? Og er sogningane i så fall opne og inkluderande nok til at folk vil koma og etablera seg her? Kva meiner innvandrarar om eit liv i Sogn?

Saleh Ali–Saleh frå Eritrea er ikkje i tvil. Han kom til Norge i 2012 og har funne heimen sin for resten av livet.

– Her skal eg bli til eg døyr! Det å kunne køyra trygt frå heimen til jobb, vita at familien har det trygt og godt, er det viktigaste, seier han. 

Les heile saka her

GLAD: Saleh Ali–Saleh frå Eritrea føler han er er godt integrert og kjenner seg velkomen på Kaupanger. Foto: Torunn Todal Laberg

Marie (31) har kjempa mot vekta i over 10 år - endeleg går det rett veg

Dei siste 10 åra har Marie Madocs Moen kjempa ein lang og hard kamp mot vekta. Vegen har ikkje vore berre enkel, men i dag står Marie rak i ryggen med 63 kilo mindre på kroppen.

Marie hugsar godt den dagen i 2008 då ho gjekk på vekta og talet stoppa på 149. På den tida var ho 20 år og aleinemor til Linnea. Fram til ho blei gravid var ho normalvektig, men kjærestekilo, graviditet, og brudd førte til at ho la på seg meir enn ynskja. 

– Mamma hinta til at eg kanskje skulle vega meg ein dag, og då eg gjekk på vekta og såg talet så tenkte eg berre "Fyflate. 149 kilo. Det er mykje det", seier Marie. 

Les heile saka her

SUNN LIVSSTIL: Vektnedgangen frå usunn til sunn livsstil har ikkje vore enkel for Marie. Men endeleg er ho der ho vil vere. Foto: Privat
Til toppen