LINOTRYKK: Kunst og handverkslærar Ida Rudningen lagar bærenett med lærdaldesign. Blant anna med Borgund stavkyrkje og trehusa på gamle Lærdalshøyri.
LINOTRYKK: Kunst og handverkslærar Ida Rudningen lagar bærenett med lærdaldesign. Blant anna med Borgund stavkyrkje og trehusa på gamle Lærdalshøyri. (Foto: Sunniva Knutsen)

Lokale kunstnarar samla kreftene og laga utstilling med kunst og produkt frå Lærdal

I andreetasje i Telegrafen på Lærdalsøyri var det i helga kunstutstilling og marknad med sal av lokalproduserte produkt. Sjå bileta!

UTSTILLING: Fotograf Mariell Øyre har laga utstilling med 93 år gamle Anna Margrete Fortun, ein kjent karakter i Lærdal. Foto: Sunniva Knutsen

Lærdal: – Det har vore mange folk innom, både for å sjå på fotoutstillingane og for å handla. Det er veldig positivt, det gjer at me får lyst til å halde fram, seier fotograf Mariell Øyre. 

Marknaden og utstillinga er ein del av satsinga Levande lokale og Typisk Lærdal. Øyre er ein av hovudpersonane bak prosjektet i tillegg til Ida Rudningen, Linda Olsen og Hanne Nygård-Bøe. 

Lokal kunst og handverk 

Mange lokale krefter har bidrege til marknaden, blant andre har Lærdal husflidslag og designer Siv Støldal har vore med å utvikla ei kofte i ull med design frå Borgund stavkyrkje og lakseskjell frå Lærdalslaksen. 

LINO: Linotrykk, eller linoleumstrykk, er ein metode der ein skjer ut mønster og design i golvbelegget linoleum. Deretter kan ein nytta det som eit stempel. Foto: Sunniva Knutsen

Ein av dei som bidrog til konsptet er Ida Rudningen, som er kunst og handverkslærar på Lærdalsøyri skule. Produktet hennar er handlenett med Lærdalsdesign, laga ved bruk av ein metode kalla linotrykk.  

På bordet framanfor henne ligg det fleire motiv, til dømes Anna Skaar på purka og Borgund stavkyrkje.

– Etter Levande lokale starta, vart eg inspirert til å skapa noko eg òg. Det har blitt ein ny hobby, seier ho. 

Ho har laga kring 100 handlenett, og har planar om å laga fleire.

Kunst og handverkslæraren fortel at ho òg jobbar med ei fargjeleggingsbok, som ho håpar å få ferdig til sommaren. Motiva er inspirert av Lærdal, og ho teiknar alle sjølv. 

UTSTILLING: Fotograf Mariell Øyre har laga utstilling med 93 år gamle Anna Margrete Fortun, ein kjent karakter i Lærdal. (Foto: Sunniva Knutsen)
FLUGEBINDING: Lærdal har lang historie med laksefiske. Her har Alf Olsen Jr teke inspirasjon frå flugefiske og laga pyntenåler. (Foto: Sunniva Knutsen)
(Foto: Sunniva Knutsen)
SAGN: Sagnet om Jutlamannen er kjent i Lærdal. Jutlamannen er ein steinformasjon som står i fjellet rett ovanfor garden Hønjum. (Foto: Sunniva Knutsen)
HANDLENETT: Ida Rudningen, kunst og handverklærar på Lærdalsøyri skule, laga handlenett med eigne design med linotrykk. (Foto: Sunniva Knutsen)
LINO: Linotrykk, eller linoleumstrykk, er ein metode der ein skjer ut mønster og design i golvbelegget linoleum. Deretter kan ein nytta det som eit stempel. (Foto: Sunniva Knutsen)
(Foto: Sunniva Knutsen)
Til toppen