LEITEAKSJON: Det er sett i gong ein stor redningsaksjon for å finna den sakna mannen.
LEITEAKSJON: Det er sett i gong ein stor redningsaksjon for å finna den sakna mannen. (Foto: Arne Stubhaug/NRK)

Politiet går ut med namnet på sakna etter båtulukke

Ein 46-åring frå Leikanger er ikkje komen til rette etter at han datt over bord frå ein båt torsdag.

Dale/Leikanger: Store ressursar har blitt sett inn i søket etter ein familiefar som datt ut av ein båt utanfor Bjerganeset ved Dale i Sunnfjord torsdag.

I samråd med dei pårørande går politiet fredag ut med namnet på den sakna. Det er 46 år gamle Bjørn Ove Steig frå Leikanger.

Ifølgje NRK kom dei to borna som var i same båt frå ulukka utan fysiske skader. Politiet vil ikkje seia kva som skjedde då mannen fall over bord.

– Men me har henta inn vitneopplysningar, som gir oss eit godt bilete av kva som skjedde, seier innsatsleiar Joachim Malterud til NRK.

Leiteaksjonen held fram fredag, og politiet jobbar for å få plass ein miniubåt til søket.

Til toppen