ARBEIDSULYKKE: Ein mann i 20-åra er frakta til sjukehus etter ei arbeidsulykke på Hydro sitt anlegg i Årdal natt til torsdag. Foto: Norsk Hydro.
ARBEIDSULYKKE: Ein mann i 20-åra er frakta til sjukehus etter ei arbeidsulykke på Hydro sitt anlegg i Årdal natt til torsdag. Foto: Norsk Hydro.

Mann i 20-åra alvorleg skadd etter arbeidsulykke på Hydro

Ein mann vart sendt til Haukeland Universitetssjukehus etter ei arbeidsulykke ved Hydro sitt anlegg på Årdalstangen natt til torsdag.

Årdal: Helse Bergen melder at tilstanden til mannen i 20-åra er at han er alvorleg skadd. Den meldinga kom klokka 07.00 torsdag morgon.

Ulykka skjedde like før 02.00 i natt på karbonanlegget til Hydro. Det fortel informasjonssjef i Hydro, Halvor Molland, til Porten.no.

– Det er snakk om ein klemskade på karbonanlegget, seier han.

– Personen vart umiddelbart frakta til Haukeland, og me jobbar no med å finne ut kva som har skjedd. Politi og Arbeidstilsynet er varsla, og politiet gjer sine eigne undersøkingar. 

Til toppen