Mannen vart sakna utanfor Lærdal Hotell. Han vart funne av dykkarar, og sendt med luftambulansen til Haukeland sjukehus.
Mannen vart sakna utanfor Lærdal Hotell. Han vart funne av dykkarar, og sendt med luftambulansen til Haukeland sjukehus. (Foto: tipsar)

Ung mann sendt til Haukeland sjukehus etter badeulukke 

Den unge mannen vart sakna etter å ha bada med venner utanfor Lærdal Hotel.

Lærdal: Mannen vart funnen av dykkarar klokka 17:22. Det er ukjent kor langt frå land og kor djupt i sjøen han blei funnen. HLR starta med ein gong, før han blei sendt til Haukeland med luftambulanse. Det melder politiet i ei pressemelding. 

Vedkomane er kring 18-19 år, og har registrert bustadadresse i Lærdal. Tilstanden er framleis uviss, og årsaka til hendinga er foreløpig ukjent. 

Brann- og redning kom på staden berre eit par minutt etter at alarmen gjekk klokka 16:30. Like etterpå kom eit redningshelikopter med dykkararar frå Bergen og ein redningsmann i luftambulanse frå Førde. 

Mange er prega av ulukka

Lærdal kommune har etablert eit kriseteam for å ta hand om dei pårørande.

– No har me seks personar som er klare til å vera der for dei som treng det, først og fremst sjølvsagt dei pårørande, men òg for andre som har vore involvert i denne hendinga, seier ordførar i Lærdal kommune, Audun Mo til Sogn Avis.

Ordføaren fortel at mange er sterkt prega av hendinga.

– Slike ting er tunge uansett kven det gjeld, men det er klart; Lærdal er eit lite samfunn der folk kjenner kvarandre, så veldig mange blir veldig prega, seier Mo. 

Til toppen