ALVORLEG: Politiet har fått melding om hendinga, som skal ha funne stad på Ljøsne i Lærdal torsdag.
ALVORLEG: Politiet har fått melding om hendinga, som skal ha funne stad på Ljøsne i Lærdal torsdag. (Foto: Illustrasjon)

Mann skal ha prøvd å lokke barn med i bilen

Politiet i Lærdal seier dei tek meldinga på alvor, men meiner det ikkje er grunn for foreldre til å uroa seg. 

Lærdal: ­– Me har gjort våre undersøkingar etter meldinga som kom inn, seier lensmann i Lærdal, Helge Øvstetun.

Hendinga skal ha funne stad på Ljøsne i Lærdal torsdag. Ein mannsperson skal ha spurd eit barn om å bli med i bilen. Barnet blei ikkje med og ein føresett melde inn hendinga til lensmannskontoret.

– Me tek slike meldingar på største alvor. Utifrå undersøkingane me har gjort er det ikkje noko som tyder på at foreldre treng å uroa seg spesielt i området, seier lensmannen.

Han er likevel klar på at born og ungdom ikkje skal ta i mot slike tilbod frå framande.

– Det er den generelle regelen. Og den er viktig.

Til toppen