STERK VIND: Meteorologane åtvarar mot kraftig vind i Sogn og Fjordane i kveld og natt til måndag.
STERK VIND: Meteorologane åtvarar mot kraftig vind i Sogn og Fjordane i kveld og natt til måndag. (Bilde: Skjermdump/meteorologisk institutt)

Meteorologane åtvarar mot kraftig vind

Ber folk sikra lause gjenstander i kveld.

Sogn: Meteorologisk institutt melder i dag om kraftig vind i Sogn og Fjordane. 

Meteorolog Haldis Berge seier til Porten.no at ein kan venta mykje høgdevind og sterk vind i fjellet i Indre Sogn. 

– Ein må rekna med ein sørleg liten storm i fjella i natt, og så dreier den mot vest seint i kveld, seier Berge.

Vindkasta kan komme opp i 20-30 meter per sekund når den dreier mot vest, og er på sitt sterkaste. Det skjer ein gang mellom midnatt og 03:00. 

Snøbyger over 1000 meter

Berge seier at når vinden er på det sterkaste vil det vera regn i fjellet. Men når vestavinden kjem fell temperaturen, og då går regnet over til snøbyger.

Berge oppmodar folk til å ikkje ha lause gjenstander ute, som trampoliner. Det kan vera sterke vindkast lokalt, og difor må lause gjenstander sikrast, avsluttar ho.

 

Til toppen