Mann i 50-åra køyrde av vegen i Rutledal
(Foto: Arkiv)

Mann i 50-åra køyrde av vegen i Rutledal

Mannen, som køyrte motorsykkel, skal vere oppegåande, men med store smerter.

Gulen: Ein motorsykkel har køyrt av vegen i Rutledal, melde Vest politidistrikt på Twitter i halv sju tida. 

– Det er ein mann i 50-åra frå Bergen, seier operasjonleiar i Vest Politidistrikt Per Algrøy til Porten.no.

Føraren skal ha vore oppegåande etter ulukka, men hadde store smerter.

– Han vart køyrt til Nordhordland legevakt, og ikkje noko sjukehus. Så det er indikasjon på at det ikkje er svært alvorleg, seier Algrøy.

Ulukka skal ha skjedd i nærleiken av ferjekaia. Det skal ha vore ei utforkøyring der ingen andre er involvert. Men grunna personskade vil dei sjå vidare på saka.

– Politiet har oppretta ei sak og vil etterforske vidare, seier han. 

 

Til toppen