To lastebilar stod fast ved Hodlekve i dag grunna glatt føre. Politiet får inn fleire meldingar i heile distrikt vest om glatt føre.
To lastebilar stod fast ved Hodlekve i dag grunna glatt føre. Politiet får inn fleire meldingar i heile distrikt vest om glatt føre. (Foto: Odd Flikke)

Nett ferdig med berging av lastebilar, så kom det ny melding

To lastebilar sat fast ved Hodlekve, og hadde sklidd i kvarandre. Akkurat då dei var i ferd med å avslutte på staden, fekk dei inn ny melding.

Sogndal:  I dag tidleg like før klokka 08.00 fekk Vest politidistrikt melding om to vogntog som stod fast grunna glatt føre ved Hodlekve i Sogndalsdalen.

Bilane hadde sklidd inn i kvarandre, men ingen personar er skada. 

Akkurat då dei skulle avslutte på staden fekk dei inn ein ny melding om ein lastebil som sat fast ved Frudalstunnelen på Fjærlandsvegen. 

– Me er ikkje kome fram på staden endå, så me veit ikkje kva som har skjedd der. Det tar litt tid å kome seg opp dalen. Det har stoppa mange lastebilar på vegen for å ta på kjetting, som me må snakke med, seier Silje Høisæter, politi i Sogndal. 

Kan bli litt venting

Dei to lastebilane som sklei inn i kvarandre ved Hodlekve er berga, og ingen er skada.

– Det var ikkje større dramatikk enn at dei sperra vegen, seier Dan Erik Johannesen, oppdragsleiar i Vest politidistrikt. 

Trafikken skal gå som normalt, men han åtvarer for glatt vegbane. Statens vegvesen er varsla, men det kan ta litt tid før dei kjem på staden. 

– Floken ved Hodlekve er løyst, men som nemnt står det mange lastebilar oppover dalen, så folk må ikkje sjå vekk frå at det kan bli litt venting, seier Silje Høisæter. 

 

Til toppen