Aurland: Det har brote ut skogbrann i Aurland ovanfor Undredal. Det fortel ein tipsar til Porten.no.
– Det spreiar seg fort, og brenn godt.
Politipatrulje rykka ut til staden, og eit helikopter har drive med sløkkingsarbeid.
Vinden aukar spreiingsfaren
Til NRK seier vaktleiar ved Alarmsentralen i Sogn og Fjordane, Oddbjørn Aune, at området ligg vanskeleg til og at vinden aukar spreiingsfaren.
– Viss helikopteret kjem rimeleg raskt, kan vi klare å få sløkt brannen før den kjem opp på sida og opp på fjellet. Vi håpar å halde den nede i fjellsida.
