RETT BAK: Etter to mål mot Jerv i helga har Kristian Fardal Opseth skåra 25 mål i førstedivisjon i år. Dermed er han berre to mål bak rekorden til Daniel Nannskog frå 2005.
Video

No er han berre to mål bak Nannskog-rekorden

Kristian Fardal Opseth har to kampar på seg til å tangere tolv år gamal skåringsrekord. Sjå måla som sette han på skothald.

Bodø: Kaupingen har bøtta inn mål for Bodø/Glimt denne sesongen. I helga vart det to nye då dei gulkledde banka Jerv 4-1 på bortebane. Med 25 mål er han soleklar toppskårar i divisjonen, og berre to mål bak ein svært gjev rekord.

I 2005 putta Daniel Nannskog 27 mål på ein sesong for Stabæk. Ingen har skåra fleire sidan førstedivisjon vart èi avdeling i 1997. Nestemann på lista er Pontus Engblom, som stoppa på 26 mål for Sandnes/Ulf i fjor.

Kristian Fardal Opseth har to kampar å tangere rekorden på, heimekampen mot Åsane på søndag og bortekampen mot Strømmen i siste serierunde.

Det blir ei tøff oppgåve, men med eit målsnitt på 0,89 til no i sesongen skulle det vere innafor rekkevidde.

Tek han att den munnrappe svensken vil han samtidig tangere klubbrekorden til Bodø/Glimt (etter 1977), sett av Ivar Morten Normark i 1990. Det året spelte nordlendingane på nivå tre i norsk fotball.

Toppskårarar i førstedivisjon etter 1997 

  • 2017 - Kristian Fardal Opseth (Bodø/Glimt): 25 mål, med to kampar att
  • 2016 - Pontus Engblom (Sandnes Ulf): 26
  • 2015 - Pontus Engblom (Sandnes Ulf) og Robert Stene (Ranheim): 17
  • 2014 - Pål Alexander Kirkevold (Sandefjord): 19
  • 2013 - Jo Sondre Aas (Ranheim): 18
  • 2012 - Martin Wiig (Sarpsborg 08): 20
  • 2011 - Vegard Braaten (Alta): 18
  • 2010 - Marius Helle (Bryne): 17
  • 2009 - Thomas Sørum (Haugesund): 24
  • 2008 - Peter Kovacs (Odd): 22
  • 2007 - Kenneth Kvalheim (Notodden): 23
  • 2006 - Mattias Andersson (strømsgodset): 19
  • 2005 - Daniel Nannskog (Stabæk): 27
  • 2004 - Paul Oyuga (Bryne): 18
  • 2003 - Markus Ringberg (Fredrikstad): 19
  • 2002 - Morten Gamst Pedersen (Tromsø): 18
  • 2001 - Bala Garba (Haugesund) og Marino Rahmberg (Raufoss): 18
  • 2000 - Jostein Flo (Strømsgodset):25
  • 1999 - Anders Blomquist (Haugesund): 16
  • 1998 - Caleb Francis (Bryne): 18
  • 1997 - Espen Musæus (Vålerenga): 16
Til toppen