Flåm AS skal køyre tog på Ofotbana

Flåm/Narvik: Artic Train i Narvik i Nordland fylke, køyrer turisttog i Ofotbana. No får dei Flåm AS frå Sogn med på laget. 

Det kjem fram i ei pressemelding.

– Ofotbana Noregs nordlegaste jernbane og rekna som ei av Europas vakraste togreiser, på same måte som Flåmsbana, skriv dei i pressemeldinga.

• Les óg: Ulukkesrapport: Difor kolliderte toga på Flåmsbana

Samarbeidet tek til med ein gong, og Flåm AS vil gå inn med to styremedlemar i selskapet.

Arve Tokvam frå Flåm AS vert ny styreleiar i Arctic Train Holding AS.

Dei skriv vidare at samarbeidet vil styrka eit heilskapleg reiselivstilbod, til både norske og internasjonale turistar. 

– Det har vore ei fantastisk spanande reise so langt og me gler oss til å få Flåm AS inn som medeigar og samarbeidspartnar, seier Karl Aksel Vik, styreleiar i Arctic Train Holding i pressemeldinga.

– Ein av Noregs mest spektakulære 

Dei skriv vidare at dei skal vidareutvikla Arctic Train og gjera Narvik til eit enno meir attraktivt reisemål.

• Les óg: «Flåmsbana er den største attraksjonen i reiselivet i Aurland. Den er òg eit naturinngrep»

– Flåm er høgt respektert i reiselivsbransjen, og me ser fram til å dra nytte av erfaringane og kunnskapen deira, seier han.

Også sogningane er nøgd med avtalen.

– Me ser fram til å bli eigar i Arctic Train, ein av Noregs mest spektakulære turistattraksjonar, seier Solrun Hjelleflat, adm. dir. i Flåm AS og konsernsjef i Aurland Ressursutvikling.