TURKAMERAT: Lars Monsen skal gå tur i sommar med eit kamerateam frå NRK på slep.
TURKAMERAT: Lars Monsen skal gå tur i sommar med eit kamerateam frå NRK på slep. (Foto: Håvard Jenssen/NRK)

NRK Super jaktar ungar i Årdal som vil vera med Lars Monsen på tur

Om du har ein draum om å verta hovudperson på barne-TV, og er mellom seks og ni år, så har du sjansen no.

Årdal: Barne-TV-kanalen NRK Super jaktar familiar frå Årdal som har tenkt å vera med Lars Monsen på tur i samband med minutt for minutt-sendinga i sommar. 

Nokre heldige utvalde vil bli filma undervegs, og resultatet blir korte portrett på rundt fem minutt, som blir lagt ut på nettsidene til NRK Super.

Lars Monsen, Sommeråpent, NRK, Årdal, Utladalen
RUTA KLAR: Lars Monsen skal gå frå Sognefjellshytta nord i kartet, til Utladalen i sør. Sommeråpent skal sende direkte frå både Turtagrø og Øvre Årdal. Foto: NRK, Kartverket

– Me ønskjer gjerne ungar som me kan fortelja ei historie gjennom. Viss ungane er veldig flinke til å gå på tur og kan alt saman, så er det kanskje ikkje ei historie der. Men viss det er ei utfordring som dei må mestra, eller dei opplever ei utvikling undervegs, for eksempel nokon som oppdagar gleda av å gå i naturen, så er det midt i blinken, seier Nørholm.

Heile Norge på tur

Sakte-TV-prosjektet Monsen – minutt for minutt er eit samarbeid mellom NRK og DNT, og er ein del av feiringa av at turforeininga fyller 150 år i år. Målet er å få heile Norge med ut på tur. Det vil bli gått fire vekeslange turar, som alle blir direktesende.

Jotunheimen med Utladalen er blant dei fire turområda som er valt ut, saman med Hardangervidda, Vesterålen og Indre Troms.

Middels respons

Programskaparane i NRK Super har generelt fått god respons frå barnefamiliar som kan tenka seg koma på film, men akkurat på etappane i Jotunheimen og Utladalen har den til no  vore sånn passe.

– Me fekk inn tre nye forslag i dag, men er veldig interesserte i fleire påmeldingar, så me har litt meir å velja mellom. Me satsar å landa på familiane i løpet av neste veke, seier prosjektleiar Nørholm.

 

 

Til toppen