TILTALT FOR GRUPPEVALDTEKT: Tre menn i 30-åra er tiltalt for gruppevaldtekt, etter dei i februar i fjor bytta på å valdta ei kvinne i fleire timar.
TILTALT FOR GRUPPEVALDTEKT: Tre menn i 30-åra er tiltalt for gruppevaldtekt, etter dei i februar i fjor bytta på å valdta ei kvinne i fleire timar. (Foto: Sunniva Knutsen)

NRK: Tre menn kan få 21 års fengselsstraff etter gruppevaldekta i Sogn

Statsadvokat Rudolf Christoffersen har teke ut tiltale mot tre menn i tidleg 30-åra for å ha utført gruppevaldtekt av ei kvinne i Indre Sogn.

Sogndal: Dei tre mennene, to brør og ein kamerat, er tiltalt for å ha valdteke ei kvinne i fleire timar.

Kan få 21 år i fengsel

Hendinga, som vert omtalt som grov i tiltala frå statsdavokaten, skjedde i februar i fjor. Kvinna skal ikkje ha vore i stand til å gjera motstand, og ho har tidlegare uttalt at ho vart dopa ned før valdtekta. 

– Ho blei halden fast med ei pute over nakken og hovudet, heiter det i tiltala. 

Statsadvokat Rudolf Christoffersen sa til NRK, som først melde om saka, at påtalemakta ser alvorleg på hendinga og at dei tiltalte kan få ei straff på opp til 21 år i fengsel. 

– Det er fordi det er fleire personar som er tiltalt for å ha utført valdtektene i fellesskap, sa Christoffersen til avisa. 

Dei tiltalte mennene er alle av Europeisk opphav, men er ikkje norske. I februar må dei møta i Sogn og Fjordane tingrett tiltalt for gruppevaldtekt. 

Ifølgje NRK har mennene gjeve svært sprikande forklaringar til politiet og to av dei nektar heilt straffskuld. 

Til toppen