INNEKLEMT: Ein sølvgrå varebil fekk hardast medfart i kollisjonen. Føraren vart frakta i luftambulanse til Førde sentralsjukehus med alvorlege skader. (Foto: Odd Helge Brugrand)
SAMANTRYKT: Personbilen fekk omfattande skadar i smellen. (Foto: Odd Helge Brugrand)
KAOS: Varebilen og dei fire vogntoga sperra vegbana fullstendig, og samantrykte hulter til bulter etter kjedekollisjonen. (Foto: Odd Helge Brugrand)
TO SKADDE: I tillegg til føraren av varebilen, vart ein av vogntogsjåførane, ein mann i 20-åra, send til sjukehus med moderate skader. Tilstanden til begge er stabil, melde Helse Førde i 14-tida fredag. (Foto: Odd Helge Brugrand)
(Foto: Odd Helge Brugrand)
(Foto: Odd Helge Brugrand)
FULL UTRYKKING: Alle naudetatar vart kalla ut til ulukka, brann, helse, politi, og redningshelikopter. (Foto: Odd Helge Brugrand)
VOLDSOMT: Oversiktsbiletet til NRK-fotografen viser korleis køyretøya mest står stabla oppå kvarandre i vegbana. (Foto: Sondre Dalaker/NRK)
UTAN EI SKRAMME: Sjåfør Kai Roger Gjelsvik frå Balestrand var ein av dei som var involverte i ulukka natt til fredag. Han måtte springa frå førarhuset for å ikkje å bli truffen av vogntoga som kom bak. (Foto: Odd Helge Brugrand)
TEORI: Politiet trur det første vogntoget har sklidd og saksa på det glatte føret. Førarane som kom etter hadde ikkje sjanse til å stoppa. (Foto: Odd Helge Brugrand)
(Foto: Odd Helge Brugrand)
FRAKTA I LUFTA: Eit redningshelikopter frakta dei skadde til Førde. Ei stund etter ulukka gjorde vêrtilhøva at det ikkje kunne flyga. (Foto: Odd Helge Brugrand)
BLIR TEKEN HAND OM: Her blir ein av pasientane flytta frå ambulanse over i redningshelikopter. (Foto: Odd Helge Brugrand)

Nye bilete viser omfanget av massekollisjonen

Det uverkelege synet av vraka som står samantrykte og hulter til bulter i vegbana, kan få deg til å undra at det ikkje gjekk verre. To personar vart skada etter ulukka i Lærdal natt til fredag, men begge er stabile.

Lærdal: Fem vogntog og ein varebil var involverte i den voldsomme massekollisjonen i Lærdal natt til fredag. Bileta som vart tekne frå ein til to og ein halv time etter ulukka viser tydeleg kva slags krefter som har vore i sving.

Fire av vogntoga og varebilen var ståande fullstendig samantrykte. Verst gjekk det utover varebilen, som truleg har hamna i skvis mellom dei store vogntoga. Sjåføren er hardt skada, medan ein av vogntogsjåførane har moderate skader. Begge er stabile, melde Helse Førde AMK like før klokka 14 i dag.

Det femte vogntoget kræsja gjennom autovernet, før det vart ståande langs kanten av Lærdalselvi, 150 meter nedanfor kjedekollisjonen. 

Ulukka skjedde mellom Sælthun og Bjørkum på E16 i Lærdalsdalen, omtrent atten kilometer frå Lærdalsøyri. Politiet har stadfesta at det var bar og fin veg før og etter ulukkesstaden, men særs glatt på ein litt over kilometeren lang strekning.

Fem ambulansar, lege, luftambulanse, redningshelikopter og to politibilar rykka ut etter at meldinga om ulukka kom klokka 01.55. Lærdal brann og redning mobiliserte alt dei hadde av bilar, utstyr og mannskap.

Til toppen