ORDFØRAR: Sandra Opheim (Uavhengig) steppar inn som ordførar medan Arild Ingar Lægreid er ute i sjukemelding.
ORDFØRAR: Sandra Opheim (Uavhengig) steppar inn som ordførar medan Arild Ingar Lægreid er ute i sjukemelding. (Foto: Halvor Farsund Storvik)

Ordførar i Årdal sjukemeldt, varaordførar Opheim steppar inn

Frå 8.mai til og med 17.juni går ordførar Arild Ingar Lægreid (Ap) ut i sjukemelding.

Årdal: I denne perioden steppar varaordførar Sandra Opheim (uavhengig) inn. 

I ein sms opplyser Opheim til Porten.no at ho har visst om sjukemeldinga ei stund. 

SJUKEMELDT: Ordførar Arild Ingar Lægreid (Ap) seier han ser fram til å starta opp att i rolla etter endt sjukemelding. Foto: Sunniva Knutsen

– Eg har førebudd meg og planlagt saman med ordføraren og rådmann, så eg trur det skal gå greitt, seier ho. 

Ordførar Lægreid ønskjer ikkje å kommentera årsaka, men seier at han håpar å starta opp att i rolla snarast etter endt sjukemelding. 

Skal gi seg i politikken

I ei sak på Porten.no nyleg, avslørte Opheim at ho kjem til å trekka seg frå politikken etter denne perioden.

Årsaka er at ho skal flytta til Sogndal, og ikkje ønskte å stilla til val med det same.

– Ikkje ved denne runden, men eg utelukkar ikkje at eg får lyst til å engasjera meg politisk seinare, sa Opheim då. 

Til toppen