FLOTT NATUR: Fire av bileta som tidlegare har blitt kåra til vekas foto.
FLOTT NATUR: Fire av bileta som tidlegare har blitt kåra til vekas foto.

VEKAS FOTO

Over 5100 har brukt emneknaggen – sjå nokre av bileta

Sjå oppsummeringa av vekas foto frå dei siste månadane.

Sogn: Lenge har Porten.no oppmoda lesarane om å dela bilete på Instagram med emneknaggen #MittPorten. Kvar veke har redaksjonen plukka ut eit favorittbilete og teke ein prat med fotografen. 

Mange bilete har blitt publisert, og me har fått gode tilbakemeldingar på Facebook-sida vår i form av kommentarar, likerklikk og delingar.

Dette tykkjer me i redaskjonen er svært kjekt, og me takkar for alle som har lagt ut bilete og brukt emneknaggen i år. Nedanfor kan du sjå nokre av bileta som ha blitt kåra til Vekas Foto dei siste månadene. 

Vil du dela bilete? Bruk taggen #MittPorten på Instagram eller send til tips@porten.no.

SKI: Dette bilete er teke av Vegard Byrkjeland Aasen frå Solvorn, og på bilete kan ein sjå kompisen Bjarte Seltaas i meget god stil. Blikskotet er teke under ein fotoshoot for skimagasinet Fri Flyt på Sogn Skisenter. (Foto: Vegard Byrkjeland Aasen)
JOTUNHEIMEN: Ein vellukka fotojakt ga dette blinkskotet. Lasse Aannevik og ein kompis hadde gått i mellom ni og ti timar dagen dette biletet blei teke. Hovudutfordringa er å koma nær nok og frå riktig vinkel. (Foto: Lasse Aannevik)
Steindalsnosi: Årets fyrste skitur på Sognefjellet. På biletet kan ein sjå kompisen Mikel Gonsholt godt påkledd for ein nydeleg skitur i friskt vintervêr. (Foto: Torjus Sagenes)
VINTER: Her har Anders Løbø Navarsete fotografert vinterens fyrste snøfall. Biletet er teke i Sogndalsdalen, frå der dalavatnet startar og nordover mot dalen. (Foto: Anders Løbø Navarsete)
Dette bilete er teke på sjøbodene på Amla er teke av Bente Teigen frå Vik. Fotografen fortel at ho ofte tek bilete når ho går på tur. (Foto: Bente Teigen )
Dette bilete tok Anja Damstuen Forthun frå Lærdøl førre søndag på veg opp mot Prest, eitt av dei mest populære turmåla i Aurland. Den faste turkameraten Tia, ein australsk gjeterhund, var òg med på turen. (Foto: Anja Damstuen Forthun)
AVANSERT: Med ei eksponeringstid på 1 time og 12 minutt fanga Kjell Vikestad jordrotasjonen i form av dramatiske stjernespor på nattehimmelen over Hove steinkyrkje. Det endelege biletet er sett saman av ni ulike bilete med ei eksponeringstid på åtte minutt kvar. (Foto: Kjell Vikestad)
DAGSTURHYTTA: Dette bilete er teke av Silje Damstuen Forthun ved dagsturhytta Mjølkeflaten i Lærdal. Lærdølen fortel at ho går mykje tur opp til den lokale dagsturhytta. Kanskje ein gong i veka. (Foto: Silje Damstuen Forthun)
NYSNØ: Vintereventyrland i nysnø. Rigmor Øygarden fortel at ho går her ofte, men tykte at dei raude husa på Vetti gard såg spesielt koselege ut i nysnøen. (Foto: Rigmor Øygarden)
Til toppen