LEIA LENGE: Aurlendingen Per Rune Underdal (19) gjorde det skarpt ved pokerbordet i helga. Foto: PokerNorge.
LEIA LENGE: Aurlendingen Per Rune Underdal (19) gjorde det skarpt ved pokerbordet i helga. Foto: PokerNorge.

Per Rune (19) spelte seg til plass i poker-NM

Per Rune Underdal frå Aurland leia etter første dag, men enda til slutt på 34. plass under vestlandsmeisterskapen i poker. 

Bergen: Likevel var det godt nok til å sikre plass i NM, som blir spelt på Gardermoen i slutten av månaden.

– Det er det eg har hatt lyst til eit par år no, så det blir veldig kjekt. Det blir spanande å få spele med masse kjendisar og andre kjente spelarar, seier Underdal. 

Les også: Desse to er klare for NM i bridge

Starten på turneringa gjekk over all forventing. Etter første dag var det ingen som hadde fleire sjetongar enn aurlendingen. 

– Eg fekk masse bra kort og hadde flyt i spelet. I tillegg fekk eg til nokre bløffar og brukte posisjsonen min bra, seier Underdal.

Dag nummer to snudda lukka og sjetongane forsvann fort. I eit felt på over tre hundre spelarar er 34. plass likevel eit godkjent resultat. 

Det er ikkje lenge sidan poker vart stovereint i Noreg. Tenåringen seier at han møter ein del fordommar frå folk som ikkje kjenner spelet.

– Du gamblar jo, så du er aldri sikker på å vinna. Men i poker kan du i det minste bruke dine eigne ferdigheiter til å auka sjansane, seier han.

Til toppen