SLIT: Problem med ladeystemet og mykje vind i demsember gjer at MF Ampere har slite med å krysse fjorden mellom Lavik og Oppedal
SLIT: Problem med ladeystemet og mykje vind i demsember gjer at MF Ampere har slite med å krysse fjorden mellom Lavik og Oppedal (Foto: Vilde Grimelid Oppedal/arkivfoto)

Problemfylt månad for «Ampere»

El-ferja som trafikkerer sambandet Lavik – Oppedal har kansellert 40 avgangar hittil i desember.

Gulen/Høyanger: Etter ei rekkje problem med batteripakkane på land i haust, der 8 av 120 var defekte, har straumforsyninga til el-ferja M/F Ampere på sambandet Lavik – Oppedal svikta igjen i desember. Til saman har ferja hittil kansellert 40 avgangar denne månaden, skriv Sysla

I haust vart 135 avgangar kansellerte, men problema vart løyste etter at fleire batterimodular vart bytta. No er det igjen ladeproblem. Ifølgje regionssjef i Norled Inge Andre Utåker er det fleire årsaker til dette. 

Det har blant anna vore problem med styringselektronikken og mekaniske problem med sjølve ladepluggane som skal gje ferja straum medan ho ligg til kai. Det gjer at ferja ikkje får nok straum til å klare ein ny overfart. Til saman kryssar Ampere fjorden 34 gongar i løpet av ein dag. 

– Det har vore mykje tøys dei siste månadane, sier Utåker til Sysla.

Vidare har problema vorte forsterka av dårleg vêr. Mykje vind gjer at ferja brukar meir straum på den om lag 5,5 kilometer lange overfarten.

Til toppen