Sogndal: Regionlensmann Arne Johannessen er ein av tre søkjarar til stillinga som leiar for Sogn og Fjordane geografiske driftseining i nye Vest politidistrikt. Det melder Sogn Avis.
– Dette er ein veldig spennande og viktig jobb som vil ha ansvar for heile Sogn og Fjordane. Vedkomande som blir tilsett blir den einaste frå fylket som får sitja i leiargruppa til politimeisteren, seier Johannessen til avisa.
For ein månad sidan vart det bestemt at Hordaland blir delt inn i to driftseiningar, medan gamle Sogn og Fjordane politidistrikt held fram som ei eining. Hovudsetet blir flytt frå Florø til Førde.
