I RAMPELYSET: Vanlegvis er det elevane som stel showet på ein russerevy. I Sogndal tok rektor Marta Sofie Vange sin del av rampelyset. Til høgre revysjefane Regina Riiber og Ingrid Margareta Ahlin Søvde.
I RAMPELYSET: Vanlegvis er det elevane som stel showet på ein russerevy. I Sogndal tok rektor Marta Sofie Vange sin del av rampelyset. Til høgre revysjefane Regina Riiber og Ingrid Margareta Ahlin Søvde.

Russen fiksa kjendisdate til rektoren

Rektor Marta Sofie Vange spelte ein av hovudrollene på russerevyen i Sogndal i går. Avgangselevane hadde nemleg fiksa ein date med NRK-kjendis Leo Ajkic.

FANN TONEN: Rektor Marta Sofie Vange og Leo Ajkic saman på innspelingsdagen.
FANN TONEN: Rektor Marta Sofie Vange og Leo Ajkic saman på innspelingsdagen.

Blant dei sedvanlege sketsjane, lærarparodiane, danse- og sangnummera, serverte sogndalsrussen i år eit innslag med ein litt høgare kjendisfaktor enn vanleg. 

– Det er eigentleg ein ganske amatørmessig revy. Men det hevar standarden veldig når vi fekk Leo til å vere med, seier Ingrid Margareta Ahlin Søvde, ein av to revysjefar. 

For mot slutten av førestillinga dukka nemleg Leo Ajkic opp på storskjermen. Best kjent som stuntreporter i NRK og mannen bak TV-programmet «Typen til». Denne gongen var det Marta Sofie Vange, rektor på Sogndal vidaregåande skule, som var invitert på date.

– Det var teke heilt på sparket, så eg fekk ikkje tid til å grua meg. Men det gjekk heilt greitt, han var ein grei kar å snakka med, seier rektor Marta Sofie Vange etter framsyninga. 

STAO NO PAO: Sogndalsrussen framførte ein sober analyse av prestasjonane til laget i bygda: «Sogndal Fotball rykke opp, rykke ned. Fotballen ekje nådig. Sogndal Fotball vinne kampar av og te. Det ekje noken dans på roser.»
STAO NO PAO: Sogndalsrussen framførte ein sober analyse av prestasjonane til laget i bygda: «Sogndal Fotball rykke opp, rykke ned. Fotballen ekje nådig. Sogndal Fotball vinne kampar av og te. Det ekje noken dans på roser.»

Velluka date

SØT HEVN: Raudruss Anders Fardal tok plass i salen, men hadde vore med å lage eit innslag om dei overivrige parkeringsvaktene i Sogndal. – Eg har sjølv opplevd å få ein del bøter dette året. Så dette er vår tur til å ta igjen, seier han. 
SØT HEVN: Raudruss Anders Fardal tok plass i salen, men hadde vore med å lage eit innslag om dei overivrige parkeringsvaktene i Sogndal. – Eg har sjølv opplevd å få ein del bøter dette året. Så dette er vår tur til å ta igjen, seier han. 

I innslaget fekk publikum sjå Leo Ajkic i fri dressur på Sogndal vidaregåande. Mellom anna snoka han rundt på kontoret til rektoren, der han sørga for å sjekka søkehistorikken i nettlesaren hennar, før dei saman tok turen til den lokale kinarestauranten.

Ajkic kan vere ei handfull, sjølv for dei som er drevne i gamet, men rektor Vange angrar ikkje på at ho vart med. 

– Nei då, eg tykkjer eg klarte meg fint, seier ho.

Sporty rektor

Revyjef nummer to, Regina Riiber, forklarer korleis det heile kom i stand. 

– Leo var i Sogndal i samband med filmfestivalen. Då tenkte vi at vi berre måtte benytte sjansen. Det ville han gladeleg stille opp på og vart skikkeleg gira, seier Riiber. 

– Han var veldig fornøgd med daten, eg trur han koste seg veldig. Det såg slik ut i allefall, seier Ingrid Margareta Ahlin Søvde. 

Begge set pris på å ha ein rektor som er sporty nok til å stille opp.

– Det er utruleg flott. Ho har teke det på strak arm. Me er imponerte eigentleg, seier Ahlin Søvde.

dans, russ, russerevy, sogndal,

Til toppen