KLART FOR STORINNRYKK: I kveld går Ribberennet av stabelen i Hodlekve, der eit hundretals utøvarar frå heile fylket skal gå distansar frå ein til ti kilometer. Her tek trakkemaskina ein siste finpuss på løypene eit par timar før start. Foto: Per Thomas Rygg. 
KLART FOR STORINNRYKK: I kveld går Ribberennet av stabelen i Hodlekve, der eit hundretals utøvarar frå heile fylket skal gå distansar frå ein til ti kilometer. Her tek trakkemaskina ein siste finpuss på løypene eit par timar før start. Foto: Per Thomas Rygg. 

Skirennet redda av dugnad: Her køyrer dei løyper timar før start

Då det tradisjonelle Ribberennet stod i fare for å bli avlyst vart snøen i Hodlekve og dugnadsanda i Sogndal redninga.

Sogndal: – Folk er flinke til å stille opp, sjølv om det er kort varsel. Det er me heilt avhengige av, utan dugnadsfolket hadde det blir avlyst for lenge sidan, seier Atle Eikevik i langrenssgruppa til Sogndal idrettslag.

Han var sjølv ute med trakkemaskina for å køyre løper eit par timar før rennet som startar halv sju i kveld. Eigentleg skulle det ha vore arrangert på Langeland i Førde, men der har snøen uteblitt.

Difor vart det for tre dagar sidan bestemt å flytte konkurransen til Sogndal.

Førde er fortsatt hovudarrangør og har ansvar for å avvikle rennet, medan langrennsgruppa til Sogndal har ansvar for at løyper og stadion er på stell. 

– Det er veldig fine forhold, så det skal bli bra, lovar Eikevik.

Til toppen