DÅRLEG START: Fredrik Sørli, Brede Stedje Ylvisåker og Årdal vart audmjuka på heimebane då Dale var gjestar i sesongopninga. Foto: Truls Grane Sylvarnes.
DÅRLEG START: Fredrik Sørli, Brede Stedje Ylvisåker og Årdal vart audmjuka på heimebane då Dale var gjestar i sesongopninga. Foto: Truls Grane Sylvarnes.

Slapp inn fem mot Dale: – Fortener å tapa​

For Årdal var Dale eit av lag å slå dersom dei heilraude skal kjempe i toppen av årets Kretsliga. Slik gjekk det ikkje.

Årdal – Dale 2-5

Årdal: Heimelaget førte kanskje an i kampen og hadde det største trykket gjennom 90 minutt, men det er lov å vere effektiv i fotball, og det var nettopp det gjestane frå Dale var.

Gultrøyene kunne gå nøgde i garderoben til pause med 2-0 etter scoringar frå Vegard Eikevik Dyrstad på straffe og Agust Helgi Jonsson. 

Men etter ein pauseprat kom Årdal friskt ut og reduserte kjapt ved Christian Stedje.

– Det er smådetaljar som gjer at dei scorar alle fem måla. Det er vår eigen feil heile vegen. Det er spesielt irriterande at me slepp inn dei to første måla i 2. omgang for då hadde me flyten. Men som sagt, det er vår eigen feil, og det er veldig irriterane, seier Årdal-kaptein Brede Stedje Ylvisåker til Porten.no.

Artikkelen held fram under biletet.

SKUFFA: Årdal hadde fleire gode sjansar til å ta leiinga i 1. omgang, men sleit med utteljinga. Johnny Aspeseter Hagen er fortvila. 
SKUFFA: Årdal hadde fleire gode sjansar til å ta leiinga i 1. omgang, men sleit med utteljinga. Johnny Aspeseter Hagen er fortvila. 

– Fortener å tapa i dag

Ikkje lenge etter reduseringa til Stedje kom nummer tre frå Dale. Heimelaget hadde sendt opp mange spelarar, og då stoppar Kjetil Karlsen er uheldig med ball i beina, kontra gjestane inn 3-1 då Jonsson sette sitt andre. Ikkje lenge etter kom nummer tre for same mann.

Dale la på til 5-1, og då Andreas Natvik reduserte i debuten sin ikkje lenge etter, var det for seint å gjere det på.

– I dag fortener me å tapa. Når me slepp inn fem mål, så seier det seg sjølv, seier Årdal-kaptein Brede Stedje Ylvisåker til Porten.no etter kampen.

Årdal hadde fleire gode sjansar i 1. omgang, men greidde ikkje å utnytte desse. Då kunne ein kanskje ein Truls Hovland eller Preben Strypet, som begge leverte tosifra i fjor vore gode å ha. 

Artikkelen held fram under biletet.

FRUSTRASJON: Enkle mål i mot og dårleg utteljing på sjansane gjorde heimelaget frustrerte. Her viser Ivan Øy sin frustrasjon over ei dommaravgjerdsle. 
FRUSTRASJON: Enkle mål i mot og dårleg utteljing på sjansane gjorde heimelaget frustrerte. Her viser Ivan Øy sin frustrasjon over ei dommaravgjerdsle. 

– I 1. omgang skulle me hatt nokre mål, men me fortener å tapa i dag fordi me slepp inn fem mål. Det er ikkje mangel på scoringar som er hovudproblemet sjølv om nokre mål i 1. omgang ville vore gunstig, seier kapteinen. 

Startar svakt igjen

Tapet betyr også at årdølene startar svakt, slik dei har hatt for vane dei siste par sesongane.

– Fryktar du for at de gjer det igjen?

– Nei, det er eg ikkje redd for. Det er første kampen, så det er altfor tidleg å seie noko om det.

Artikkelen held fram under biletet.

STARTA SVAKT: Årdal har slitt litt med å kome i gang frå starten av sesongen dei seinare åra, men kaptein Ylvisåker vel å vere optimistisk. Her forsøker Terje Kvam Øvstetun seg.
STARTA SVAKT: Årdal har slitt litt med å kome i gang frå starten av sesongen dei seinare åra, men kaptein Ylvisåker vel å vere optimistisk. Her forsøker Terje Kvam Øvstetun seg.

– Kva må de gjere no inn mot neste kamp mot Eid?

– Det blir å luke vekk desse småfeila me gjer og vere meir effektive føre mål sjølve.

Artikkelen vert oppdatert.

Dale Fotball Kretsligaen Sport årdal
Jobb i Sogn

Ledig stilling på Farnes skule

Bu her – jobb som journalist for Porten.no

Bilfinger søker fagarbeidere

Sjå alle stillingar

Til toppen