PÅ SCENA: Hit Duo spelar hits med spenn frå 70-talet og fram til i dag, og er å finna på Natthuset i Balestrand onsdag kveld. Pressefoto
PÅ SCENA: Hit Duo spelar hits med spenn frå 70-talet og fram til i dag, og er å finna på Natthuset i Balestrand onsdag kveld. Pressefoto

Slår til med partymusikk og After bike

Hit Duo med Odd Tore Moen og Linda Moen Rebni skal laga liv i Balestrand når dei og Kvikne`s hotel inviterer til After bike onsdag kveld

Balestrand: – Me gjer dette saman med Kvikne`s hotell for at det skal skje noko i Balestrand i samband med rittet Tour des Fjords, seier Odd Tore Moen.

KAUPING OG ÅRDØL: Hit Duo består av Linda Moen Rebni frå Kaupanger og Odd Tore Moen frå Årdal. Pressefoto
KAUPING OG ÅRDØL: Hit Duo består av Linda Moen Rebni frå Kaupanger og Odd Tore Moen frå Årdal. Pressefoto

Sykkelrittet «Tour des Fjords» starta i Balestrand i dag; første etappe er den 190 kilometer lange strekninga frå sognebygda til Førde.

Sjølv om syklistane neppe blir å finna på After bike-arrangementet ettersom dei altså går i mål i Førde etter etappa, ligg det an til god stemning på Natthuset i Balestrand onsdag kveld frå klokka 22.

– Det er gratis entrè og ope for alle, seier Moen.

Årdølen og Linda Moen Rebni frå Kaupanger spelar hits med spenn frå 70-talet og fram til i dag i konstellasjonen Hit Duo og dei håpar mange finn vegen til Natthuset på Kvikne`s Hotell.

– Me spelar både internasjonale og norske hits; det blir party-party musikk. Så det er i Balestrand det skjer i kveld, seier Moen.

Konsert Kultur
Jobb i Sogn

Årdal kommune søkjer psykiatrisk sjukepleiar

Årdal kommune søkjer miljøterapaut/miljøarbeidar i bu- og miljøtenesta

Sjå alle stillingar

Til toppen