PÅ VEG TIL ULLEVÅL: Andre runde i cupen blir spelt i slutten av mai. Foto: arkiv.
PÅ VEG TIL ULLEVÅL: Andre runde i cupen blir spelt i slutten av mai. Foto: arkiv.

Slik blir andre runde av cupen

Både Kaupanger og Sogndal heng framleis med i NM. Sjekk kven dei møter i andre runde.

Sogndal/Kaupanger: Kampoppsettet for andre runde i cupen er klart, både for herrer og kvinner. Sogndal skal spele borte mot 2. divisjonslaget Raufoss, medan Kaupanger tek imot Sandviken på heimebane. 

Raufoss ligg på femteplass i første avdeling av andredivisjon etter tre serierundar.

Sogndaltrenar Eirik Bakke håper han skal klare å stable på beina eit slagkraftig mannskap, men:

– Kampen går midt mellom oppgjera mot Brann og Kristiansund i Eliteserien. Det er Eliteserien me må prioritere, seier sogndaltrenar Eirik Bakke til heimesida til klubben.

Kaupanger møter Sandviken heime, eit lag dei kjenner godt etter å ha møtt andrelaget i serien, med seks førstelagsspelarar frå start. Den kampen vann Kaupanger 4-0, men dei får det nok vesentleg tøffare denne gongen.

Herrane spelar 24. og 25. mai, kvinnene 31. mai.

Til toppen