Sidan start har Odd og Kristine Ohnstad, gründerane bak bedrifta, produsert ca 30 tonn med lapskaus som elles ville bli kasta. 
Sidan start har Odd og Kristine Ohnstad, gründerane bak bedrifta, produsert ca 30 tonn med lapskaus som elles ville bli kasta.  (Foto: Q-Meieriene)

Sognalaupskaus får matreddarpris

Haugen gardsmat har laga laupskaus av råvarer som elles hadde vorte kasta. Denne veka fekk dei pris for arbeidet sitt.

Aurland: – Me er opptatt av å bruke sunn fornuft, at me ikkje skal kaste gode råvarer fordi forma er litt feil eller rar. Me er blitt ei bruk og kast-samfunn, det ønska me å gjera noko med, seier Odd Ohnstad frå Haugen Gardsmat i ei pressemelding. 

Saman med Mette Nygård Havre, ildsjela bak folkerørsla «Spis opp maten» delte Q-Meieriene ut matredderprisen til Haugen Gardsmat for sin sognalapskaus denne veka. 

Sidan start har Odd og Kristine Ohnstad, gründerane bak bedrifta, produsert ca 30 tonn med lapskaus som elles ville bli kasta. 

Vil at folk kan kjøpe lapskausen heile året

Mette Nygård Havre er imponert over kor mye mat Haugen gardsmat har redda sidan oppstart.

Haugen Gardsmat har alltid vore opptatt av matsvinn, difor brukar dei blant anna heile sauen i oppskrifta. Foto: Q-Meieriene

– Det er strålande at Haugen gardsmat tar tak i ressursar som stod i fare for å bli kasta. Dei lagar eit skikkelig godt produkt av råvarene. Dette er matredding og innovasjon på høgt plan, seier Nygård i pressemeldinga. 

Målet til Haugen Gardsmat er at alle i heile Norge skal kunne kjøpe seg ein pakke med lapskaus, kva som helst dag i året. Kristine Ohnstad seier responsen er utelukka positiv og dei som kjøper lapskausen seier det smakar heimelaga. 

Til toppen