Sogndal får 2,4 millionar - sjå kor mykje din kommune får frå krisepakka

Sogn: – Det er særleg to bransjar me er uroa for i fylket, reiseliv og leverandørindustrien, spesielt martim og offshore leverandørindustri. For begge næringar håpar eg at dagens tildelig vil hjelpe, seier Tor André Ljosland, leiar av hovedutval for næring i Vestland fylkeskommune. 

Det er frykta at Vestlandet er den landsdelen som vert hardast ramma av krisa, spesielt på lenger sikt. 

• Les òg: Full fart på salet i Hodlekve: – Føler oss nesten som ein koronavinnar

Sogndal får mest tilskot og Gulen får minst

I reiselivsbransjen er det turistverksemder som satsar på aktivitetar som har sterkast vekst. Til dømes versksemder som tilbyr guida turar med overnatting, gardsturisme, kajakkutleige eller stikkhopp. 

På verdensbasis har slike tilbod størst markedspotensiale, og det er dette som gjer Vestlandet til eit attraktivt reisemål. 

– Mange som driv desse turistverksemdene er ofte nystarta. Då har dei ingen omsetning å vise til i fjor og oppfyller heller ikkje krava for å få utbetalt kontantstøtte, seier Ljosland. 

Han meiner det er svært viktig at kommunene er merksame på slike verksemder i tida framover. 

Det er Kommunal- og moderniseringsdepartementet (KMD) som har gitt tilskotet til vidare fordeling av fylkeskommunen. 

• Les òg: Slik jobbar Visit Sognefjord for at 200 lokale bedrifter skal overleve