VIDARE: Gilbert Koomson og Sogndal er vidare i NM etter 1-0 mot Førde. Arkivfoto: Halvor Farsund Storvik. 
VIDARE: Gilbert Koomson og Sogndal er vidare i NM etter 1-0 mot Førde. Arkivfoto: Halvor Farsund Storvik. 

Sogndal gjorde jobben mot Førde

Rune Bolseth sikra sigeren for sogndølene. 

Førde – Sogndal 0-1

Førde: Edin Øy fekk ikkje spele mot klubben han er lånt ut frå då Førde tok imot Sogndal i cupen. 

Frå sidelinja fekk han sjå moderklubben ta seg vidare til 3. runde i NM med 1-0 i Hafstadparken. Det sørgja Rune Bolseth for då han scora kampens einaste mål i det 67. minutt.

Eit langt innkast blei klarert ut på 17-18 meter. Der vanka Bolseth med venstrefoten til og klemte til ballen, som gjekk via ein spelar og i mål. 

Sogndal unngjekk dermed cupbomba, som small nettopp i Hafstadparken i førre runde då Brann vart sendt på hovudet ut. Bergensarane er det einaste Eliteserielaget som ikkje er framleis med i NM.

Til toppen