EFFEKTIVT: Taijo Teniste sine lange kast er som cornerar å rekna; mot Raufoss fekk estlendaren assist på 1-0-målet. Arkivfoto
EFFEKTIVT: Taijo Teniste sine lange kast er som cornerar å rekna; mot Raufoss fekk estlendaren assist på 1-0-målet. Arkivfoto (Foto: Halvor Farsund Storvik)

Sogndal sleit seg vidare i cupen

Det tok 79 minuttar før Sogndal fekk Hol på byllen mot Raufoss to divisjonar under, og då var det ingen ringare enn Espen Næss Lund som fiksa målet. Sjå høgdepunkt!

Raufoss - Sogndal 0-2

I solskinet på NAMMO stadion på Raufoss var det lite som tyda på at heimelaget spelar i 2. divisjon medan Sogndal er på høgaste nivå i Noreg. Så starta også Sogndal med mange av sine beste spelarar på benken eller ute av troppen.

Les også: Sjå Sogndal si ferd mot Ullevål her

Raufoss var svært nære å ta leiinga eitt kvarter før slutt på ei kontring; ballen blei lobba over sogndalkeeperen - for høvet Tarjei Omenås - men lobben vart redda på strek. I det heile hadde Raufoss vore vel så gode som Sogndal i 2. runde kampen i cupen. 

Men så viste Sogndal seg svært effektive; Espen Næss Lund ekspederte eit langt kast frå Taijo Teniste i mål med hovudet vel ti minuttar før slutt.

Då gjekk det heller ikkje meir enn to minuttar før Bendik Bye vart spelt åleine med Raufoss-keeperen; Bye gjorde ingen feil og dobla leiinga.

Resultatet stod seg kampen ut og Sogndal er vidare til runde 3.

Til toppen