TALENT: Sogndalspelar Håvard Hetle.
TALENT: Sogndalspelar Håvard Hetle. (Foto: Ole Jørgen Brattland, Equinor)

Sogndalspelar Håvard Hetle (15) kan bli Årets Fotballtalent

Det opplyser Martin Hoff Pedersen om i ei pressemelding.

Sogndal/Breim: I august henta Sogndal 15 år gamle Håvard Hetle frå Breim, til keepergruppa i Sogndal Fotball. No er han nominert til Årets Fotballtalent.  

Hetle blei nyleg handplukka som ein av seks talent, både frå gute- og jentefotballen, som kan bli kåra til Årets Fotballtalent.

Juryen består av Brede Hangeland, Jesper Mathisen og Solveig Gulbrandsen i samarbeid med Morgendagens Helter, i regi av NFF, TV 2 og Equinor.

– Håvard er ein veldig god rollemodell for andre med den gløden, innsatsen og læringsviljen han visar både på og utanfor bana, seier Cathrine Instebø, talsperson for Morgendagens Helter.

Drøymer om A-landslaget

Fakta om Årets Fotballtalent

  • Dei nominerte blir valgt av ein jury som består av Brede Hangeland, Jesper Mathisen og Solveig Gulbrandsen i samarbeid med Equinor sitt talentutviklingsprogram Morgendagens Helter. 
  • Dei nominerte er Håvard Hetle (Sogndal), Sondre Auklend (Viking) og Bryan Fiabema (Tromsø IL). De nominerte jentene vert avslørt førstkomande sundag.
  • Tidlegare vinnarar av kåringa er blant anna Martin Ødegaard, Martin Samuelsen og Mads Møller Dæhlie.

15-åringen sin store draum har utvikla seg i takt med talentet, og han drøymer no om å ein gong spele for A-landslaget. Hetle, som skildrar seg sjølv som ein leiartype på bana,

er overrasket over nominasjonen.

– Det er veldig overraskande og kjekt å bli nominert til Equinor årets fotballtalent. Det er jo ikkje så ofte ein blir nominert til slike prisar, seier Hetle.

I rekka av etablerte stjerner

Keeperen som allereie har signert proffkontrakt kan fort tre inn i rekka med nokre av Noreg sine største fotballtalent dersom han blir kåra. 

Årets vinnar stikk av med tittelen som Norges største fotballtalent, og får tilbringa ein draumedag saman med A-landslaget.

Vinnarane for jentene blir kåra av TV 2 sine fotballekspertar den 16. november, medan gutane blir kåra 19. november.

Til toppen