ASIATISK VRI: For ei varm og sterk matoppleving har vi gitt lammet ein asiatisk-inspirert vri. Alle foto: Carl Martin Nordby.
ASIATISK VRI: For ei varm og sterk matoppleving har vi gitt lammet ein asiatisk-inspirert vri. Alle foto: Carl Martin Nordby.

Spicy lammenam med asiatisk vri​

Etter fire timar i omnen blir ei billeg lammeribbe mør, saftig, god, søt, spennande og sterk. 

  • Endret

NPK-NTB Tema: Når det er litt kaldt og guffent ute, vil vi ha kraftig vintermat og varme smakar. Lammesider er det overskot av på marknaden, dei blir derfor selde frosne til ein rimeleg penge heile året. Desse sidene er det som er skore bort frå ryggen/carreen. Det er dei same sidene som blir beina ut, salta, rulla og kokt og ete som lammerull rundt juletider. Når vi skal langtidssteikja sidene, slik som her, spelar det inga rolle at dei har vore frosne.

KOKKEN Øyvind Hjelle er kjent frå TV og har gitt ut fleire bøker. Han har vore kokk i 25 år ved nokon av dei fremste restaurantane i hovudstaden. av Oslos fremste restauranter.
KOKKEN Øyvind Hjelle er kjent frå TV og har gitt ut fleire bøker. Han har vore kokk i 25 år ved nokon av dei fremste restaurantane i hovudstaden. av Oslos fremste restauranter.

Ribbeina tek vi vare på av fleire grunnar: Ribba held seg saftigare, det ser kult ut, og mellom beina er det mykje saftig kjøt å gnaga i seg.

Har du høve til det, kan du gjerne salta ribba litt dagen før. Når du skal baka kjøt mørt over lengre tid i omn (eller grill/smoker), har det generelt veldig godt av å bli salta litt på førehand, då blir sluttresultatet noko fastare, og samtidig supermørt og saftig.

Akkurat som på griseribba er det også her lag på lag med musklar og feitt som sørgjer for at det ikkje er nokon risiko for eit tørt sluttresultat. Lammeribba er rett nok ein del tynnare, men smaksmessig grisebankar lammet grisen! Lammekjøt har nemleg ein meir tydeleg eigensmak, som igjen toler svært godt kraftige smakar i det du serverer ved sida av.

Til lammeribba går vi denne gongen bort frå dei klassiske norske/franske smakane og vender oss mot dei asiatiske. Med intens søtsmak av honning, sting smak av chili, sterk kvitløksaroma og ein skvett vineddik for å kompensera for det søte, er vi godt plassert i eit kjøkken på sørlegare breiddegrader. Vi fører på smakane i form av ein tjukk glaze mot slutten av steikjetida, ein glaze som elles også fungerer godt til mellom anna and og gris.

Du treng nokre munnfullar med ting du kan servera ved sida av til denne smaksbomba av ei lammeribbe. Bagett, frisk grønnsakssalat, asiatisk coleslaw, grøn papayasalat eller – faktisk – gratinerte poteter kan vera gode val.

Sjølv fekk eg som alltid veldig lyst på sopp då eg såg dei kjempestore og fine eksemplara i butikken. Delt i to, ruta fint og steikt godt i ei raus mengde med kvitløkssmør, seier eg meg meir enn nøgd med dette. Aromaen som dukkar opp i soppen under steiking, saman med smaken av kvitløkssmør, er noko av det beste eg veit til lam, gris, kalv, kylling, okse, and, torsk, kveite, sei, kanin, piggvar, lyr, knurr, sniglar, berggylte, kalkun, trepigga stingsild, mufflon, geit, laks, rype, elg, reinsdyr, hjort, åbor og tunfisk – mellom anna.

Les oppskrifta og framgangsmåten under biletet:

PAKK INN: Lammet må bake under tett folie for å bli saftig.
PAKK INN: Lammet må bake under tett folie for å bli saftig.

Oppskrift:

Spicy lammeribbe med kjempesoppar i kvitløkssmør
Ingrediensar (4 porsjonar)

Lammeside:

MEiR SMAK: Det er lurt å ause med kraft i panna undervegs.
MEiR SMAK: Det er lurt å ause med kraft i panna undervegs.
  • 2 lammeribbe (cirka 3 kilo)
  • 1 ss flaksalt (eller cirka 1 ss finsalt)
  • 1 ss grovt malt svart pepar
  • 1 ss korianderfrø
  • 1 kvist rosmarin
  • 1 løk
  • 2 fedd kvitløk
  • 1/2 sitron
  • Spicy sweet glace:
  • 2 chili (1 viss dei er veldig sterke)
  • 100 gram flytande honning
  • 2 fedd kvitløk
  • 2 ss balsamico/vineddik
  • 2 ss soyasaus
  • 1 vårløk
  • Sopp i kvitløkssmør:
  • 8 store sjampinjongar.
  • 75 gram smør
  • 4 fedd kvitløk
  • godt med salt

Framgangsmåte

På skinnsida (utsida) av ribba kan det vera ei tynn hinne du bør snitta av med ei skarp kniv. Losna hinna i eit hjørne og dra henne oppover mens du snittar forsiktig under med kniven. Fjern så mykje du klarar. Rut deretter feittet 1 x 1 centimeter med ein skarp kniv. Fjern eventuelle klumpar med feitt på inn- og utsida. Del ribba opp i tre omtrent like store bitar og gni alle bitane godt inn med salt og pepar. La dei liggja kaldt over natta. Legg dei så i ei eldfast form saman med knuste kvitløksfedd, rosmarin, løk og grovhakka sitron med skal. Slå folie tett over og bak i 2 timar på 160 grader og 1 time på 130 grader, før du tek av folien og steikjer 30 minutt til på 180 grader.

GLAZE: Skal takast på heilt mot slutten av steiketida.
GLAZE: Skal takast på heilt mot slutten av steiketida.

Skru så omnen på 200 grader, vifte og grill/overvarme. Kok opp honning, finsnitta chili, finhakka kvitløk, soya og eddik til ein seig glaze. Pensla ribba med blandinga og set henne inn for ei siste grilling. Det kan vera lurt å pensla litt med den gode juicen som ligg i botnen av forma under grillinga også, der er det mykje smak.

Sopp i kvitløkssmør: Kjøp dei største soppane du finn. Del dei i to og rut dei opp på snittsida. Steik dei på snittsida til dei har fått farge, skru ned varmen og tilset delte kvitløksfedd, smør og salt. Rull soppen på moderat varme i kvitløkssmøret til han er gjennomvarm.

(©NPK)

Til toppen