LEITAR: Frivillige og mannskap frå politiet leitar etter ein mann i 70-åra som har gått seg vill.
LEITAR: Frivillige og mannskap frå politiet leitar etter ein mann i 70-åra som har gått seg vill. (Skjermbilde: Google Maps)

Leiteaksjon ved Østerbø Fjellstove: Mann i 70-åra funnen

Klokka 08:47 måndag vart det sett i gong ein leiteaksjon i Østerbø i Aurland.

Aurland: Mannen, som er i 70-åra, gjekk seg vill. Det føregjekk leiteaksjon i fjellområda aust for Østerbø Fjellstove, meldte Vest politidistrikt. 

Politiet hadde kontakt med mannen på telefon. Han var uskadd, men visste ikkje kvar han var. Mannskap frå politiet og frivillige sette i gang leiting. 

Klokka 13:08 meldte Hovudredningssentralen at redningshelikopter bistår i uthentinga av personen. 

Omlag klokka 13:30 meldte politiet at mannen er lokalisert. Ein Porten.no-tipsar informerer at Røde Kors Aurland fann mannen. 

Vidare opplyser politiet at redningsmannskap heisa seg ned til mannen, som blei teke med til sjukehus for kontroll.

Til toppen