ARTISTISK: Femteklassingane på Trudvang skule i Sogndal fekk prøve seg på street art saman med gatekunstnaren Peace Tu. Foto: Øyvind Nondal.
ARTISTISK: Femteklassingane på Trudvang skule i Sogndal fekk prøve seg på street art saman med gatekunstnaren Peace Tu. Foto: Øyvind Nondal.

Starta VEKAO med street-art

Den årlege studentfestivalen VEKAO starta i dag på Trudvang skule med lynkurs i street-art.
 

Sogndal: Studentfestivalen føregår i saftbygda 9.-19. mars. I løpet av desse dagane kan du oppleve konsertar, stand-up, revyar og fleire andre dagaktivitetar.

VEKA-sjef Ingvil Loftesnes Kvåle seier til Porten.no at snøvêret helt på å stogge opninga.

– Gatekunstnaren Peace Tu kom med fly frå Oslo, og skulle dekorere ein vegg på Trudvang skule med femteklassen. Det tunge snøvêret gjorde at flyet vart forseinka med ein time, seier ho.

Få billettar igjen

Kvåle seier det er mellom fem og sju tusen som vitjar VEKAO i perioden. Ho seier dei fleste er studentar i Sogndal, men at nokre kjem også utanfrå.

– Publikum som ynskjer få meg seg konsert bør kjøpe billett på Internett for å vere trygg, avsluttar ho.

Til toppen