Lærdal: Kommunen har tidlegare fått midlar frå Nkom til utbygging av breiband på strekninga Sjurhaugen - Maristova. Etter ein anbodskonkurranse i vinter og vår har kommunen no inngått avtale med Telenor om prosjektet og utvbygginga startar i sommar, skriv Lærdal Næringsutvikling på sine nettsider.
Informasjonsmøte
Kontrakten gjer at alle innbyggjarane på strekninga no vil få tilbod om fibertilknyting.
Telenor held informasjonsmøte anngåande fiberprosjektet i Borgund 27.juni kl 18.30 i Samfunnshuset, skriv Buiborgund.no. Der vil Telenor informera om framdrifta i prosjektet, om ulike abonnementstypar og om ulike praktiske sider ved utbyggingsprosjektet.
Utbygginga skal vera avslutta seinast hausten 2017.
