STENGT: Det er radarsystemet på Vestlandet som er nede, og som fører til at ingen fly får ta av inntil vidare. Foto: Widerøe.
STENGT: Det er radarsystemet på Vestlandet som er nede, og som fører til at ingen fly får ta av inntil vidare. Foto: Widerøe.

Startar gradvis opp flytrafikken

Luftrommet over Vestlandet vart stengt i ein periode.

Indre Sogn: Direktør for undervegstenester i Avinor, Jan Gunnar Pedersen, seier til NRK at det er oppdaga ein ustabilitet i systemet flygeleiarane brukar.

Det var radarsystemet på Vestlandet som var nede, og som førte til at ingen fly fekk ta av.

– Det gjorde at me valte ikkje å sleppe inn fleire fly i luftrommet, og avvikla trafikken. Luftrommet er i prinsippet stengt mellom Vigra og Kjevik. Det gjeld også helikoptertrafikk, sa Pedersen til NRK.

Rundt 12.00 vart det opplyst om at feilkjelda var lokalisert og at det vart jobba med å starte opp att flytrafikken. 

Flyplassane som var berørt var Bergen, Stavanger, Haugesund, Førde, Florø, Sandane, Sogndal, Ørsta/Volda og Stord.

Til toppen