Lærdal: I 10-tida i dag forsvann straumen i Lærdal. KIWI-butikken på Lærdalsøyri var blant dei som har måtta stenga dørene medan dei venta på å få han tilbake.
– Me er lovd at straumen skal koma på plass ganske fort, sa Jon Yttri i Lærdal Energi til Porten.no klokka 10.45.
Han fortalde då at ein brytar var slått ut på Borgund kraftverk.
I 11-tida hadde dei som bur aust for kraftverket og mot fylkesgrensa allereie fått tilbake straumen. Fem minutt seinare kom meldinga om at alle abonnentane mot Lærdalsøyri òg no har lys i taklampene.
