SESONGENS GLEDER: Plommer er godt til nesten alt, og svinaktig godt til gris.
SESONGENS GLEDER: Plommer er godt til nesten alt, og svinaktig godt til gris. (Bilde: Carl Martin Nordby)

Strø plommer for svin!

Griseflaks at naboen har plommetre! For ingenting er så godt til ein saftig svinekotelett som friske, norske plommer.

NPK-NTB: Eg har heilt dilla på råvarer i sesong. I vår var det asparges, så kom nykålen og etter kvart jordbæra. No er det sopp og plommer som gjeld.

TIPS: Ved å skjære 1 cm ned i kjøttet, med 1 cm mellomrom mellom hvert kutt, blir det lettere å få koteletter fra carré gjennomstekt.
TIPS: Ved å skjære 1 cm ned i kjøttet, med 1 cm mellomrom mellom hvert kutt, blir det lettere å få koteletter fra carré gjennomstekt. Foto: Carl Martin Nordby

Sistnemnde har eg hatt kort veg til. Etter å ha klipt plenen til naboen i heile sommar, har eg nemleg no på hausten fått lov til å forsyne meg så mykje eg vil frå det flotte plommetreet hans. Lite visste han om mitt hungrige begjær etter sjølvplukka frukt! Etter ti dagar med «litt» plukking morgon og kveld er det tydeleg: Eg har ikkje klart å avgrense meg. Gjennomsnittsavstanden mellom kvar plomme i det flotte plommetreet hans er blitt mykje lengre – så lang at det spørst om ikkje naboen klipper plenen sjølv neste sommar.

På veg ut av hagen hans nappa eg forresten med meg eit par blomkarsar frå blomsterbedet også – og dessutan dei siste morellane. Mest for moro skyld, men også litt for smak og farge.

PLOMMER OG MORELLER: Blir til en nydelig salat. Steinene fjernes med en skarp liten kniv.
PLOMMER OG MORELLER: Blir til en nydelig salat. Steinene fjernes med en skarp liten kniv. Foto: Carl Martin Nordby

Tilbake til plommene. Når dei blir hausta i rett augneblink, er dei aromatiske og søte med ein nydeleg struktur. Blanda med små syrlege tomatar, raudlauk, olivenolje og ein god balsamico har du plutseleg ein feiande frisk plomme- og tomatsalat til grisen din. Plommene kler saltsmaken heilt supert.

Svinekotelettane eg brukte, er delt av frå ein carré. Carreen er ytrefileten som sit fast i «pussa» dekorative bein. Det å pusse bein har nok mange kokkar eit ambivalent forhold til, for det kan vere ein ganske tidkrevjande affære, samtidig som kniven blir sløv av å skrape beina. Men det er eit klassisk handverk det står respekt av.

Når ein steiker desse kotelettane i panna, sit ein att med ein god steikjesjy. Denne sjyen blanda med honning og litt sitron blir ein superrask og veldig god saus.

Svinecarré med plomme og tomatsalat, sitron og honningsteikesjy

 
Ingrediensar (2 personar)
SJY: Raskt og godt med smak av honning.
SJY: Raskt og godt med smak av honning. Foto: Carl Martin Nordby
  • 2 grisekotelettar/ev. nakkeskiver
  • 4 ss smør
  • 4 fedd kvitlauk
  • 2 kvastar rosmarin
  • 2 ts. flaksalt
  • grov svart pepar
  • 8 perfekte plommer
  • 10 små plomme-/sherrytomatar
  • 1/2 raud skjergardslauk
  • 2 ss rista pinjekjernar
  • 1 neve morellar (du kan sløyfe dei)
  • 1 ts. flaksalt
  • 4 ss olivenolje
  • 2 ss balsamico
  • 2 blomkarse
  • 100 gram steikjesjy
  • 1 ss honning
  • 1 ss balsamico/sitronsaft
  • salt og grovmalen svart pepar
Framgangsmåte

Pannesteiking av svinekotelett: Tørk av kjøttet, og krydre det med salt og pepar. Kjøttet som sit frå fileten og ut mot beinet, er litt tøffare i tygget. Så for å sørgje for at det blir gjennomsteikt så fort som mogleg, skjer eg ned 1 centimeter, med 1 mellomrom på 1 centimeter, på begge sider. Slå ein tråd rundt heile koteletten for å halde forma jamt tjukk.

Varm opp panna og ha i litt solsikkeolje. Steik kjøttet godt på alle sider, skru ned varmen og tilsett knuste kvitløksfedd, smør og rosmarin. La kjøttet bruse i smøret og snu det kvart 30. sekund til kjernen ved beinet held 67 grader. La kotelettane kvile 10 minutt før servering, då er kjernetemperaturen oppe i 71 grader, som er nok for svinekjøtt.

Sil steikjesjyen ned i ein liten kjele, og bland den med salt, honning og balsamico. Varm den og hell den over kotelettane på tallerkenane.

Plomme- og tomatsalat: Del plommene og morellane i to og pirk ut steinane. Er plommene store, kan kvar halvdel bli delt i to att. Legg plommer, morellar, og snitta raudlauk på tallerkenane og hell over salt, olivenolje og eddik. Dryss over rista pinjekjernar og blomkarse.

Til toppen