PÅ BESØK HJÅ BESTEMOR: Linnea Seim Lysne til venstre har kome frå Bergen til Seimsdalen på besøk hjå besteforeldra no i juleferien. Det same har kusina hennar Emely, t.h.
PÅ BESØK HJÅ BESTEMOR: Linnea Seim Lysne til venstre har kome frå Bergen til Seimsdalen på besøk hjå besteforeldra no i juleferien. Det same har kusina hennar Emely, t.h. ( Snorre Sandemose)

Syskenborna bur i Bergen og i Oslo, fyrste nyttårsdag gjekk dei på ski med bestemor i Ofredalen

Å gå på ski med besteforeldra har vorte ein fast vintertradisjon for jentene. 

PÅ TUR MED BARNEBARNA: Kari Lysne var på skitur med barnebarna Linnea og Emely i Ofredalen fyrste nyttårsdag. 
PÅ TUR MED BARNEBARNA: Kari Lysne var på skitur med barnebarna Linnea og Emely i Ofredalen fyrste nyttårsdag.  Bilde: Snorre Sandemose

Årdal: – Det er veldig gøy å byrja året med å gå på ski og å vera i snøen, seier Linnea Seim Lysne (9) frå Bergen. 

Ho og den mindre kusina hennar er båe på skitur med bestemor fyrste nyttårsdag.

Linnea går godt på ski, men seier det vert litt lite snø i Bergen, so det er når ho kjem til besteforeldra i Seimsdalen ho verkeleg får teke skia fatt.

– Kvar har du lært å gå på ski?

– Eg trur det var bestemor og bestefar som lærte meg å gå på ski her i Seimsdalen, fortel Linnea. 

– Og so har ho ein far som er flink til å gå på ski òg, skyt farmor Kari Lysne inn. 

HØGT TEMPO: Eit lite kvarter etter at kusinene og bestemora hadde trekt inn i skogane, kom syskena Hallvard Seim Lysne og Ingrid Seim Lysne laupande. Hallvard er far til Linnea, Ingrid mor til Emely.
HØGT TEMPO: Eit lite kvarter etter at kusinene og bestemora hadde trekt inn i skogane, kom syskena Hallvard Seim Lysne og Ingrid Seim Lysne laupande. Hallvard er far til Linnea, Ingrid mor til Emely. Bilde: Snorre Sandemose

Emely (3) går òg stødig, og ho får gått ein del på ski i skogane i Oslo. Ho ynskjer å gå heile fem kilometer, seier ho, men bestemor Kari trur det vert med to kilometer, ein runde rundt vatnet. 

Linnea fortel at ho og Emely gjekk opp på leikeplassen i Seimsdalen nyttårsaftan, og dei hadde kvar sine stjerneskot og var med på å skyta opp fyrverkeri. 

– Tykkjer du det var mykje fyrverkeri i Seimsdalen?

– Ja, det var ganske mange når me såg opp på himmelen, seier Linnea.

I PAKT MED SKOGEN OG ELEMENTA FYRSTE NYTTÅRSDAG: Emely, Linnea og bestemor Kari legg ut på den to kilometer lange sløyfa i Ofredalen fyrste nyttårsdag. 
I PAKT MED SKOGEN OG ELEMENTA FYRSTE NYTTÅRSDAG: Emely, Linnea og bestemor Kari legg ut på den to kilometer lange sløyfa i Ofredalen fyrste nyttårsdag.  Bilde: Snorre Sandemose
Til toppen