TETT: Trass ein jamn kamp, vart sogndølene for sterke for årdølene. Arkivfoto.
TETT: Trass ein jamn kamp, vart sogndølene for sterke for årdølene. Arkivfoto.

Tett toppkamp enda med heimesiger

23 - 16 vart det til slutt til Sogndal då dei møte Jotun/Årdalstangen torsdag kveld.

Sogndal/Årdal: – Ein jamn kamp. Me hadde stort kontroll i førte minuttar, seier trenar for årdalsdamene, Olafur Sveinsson.

Dei to topplaga i 4.divisjon, avdeling 2 i region vest møttest i Sogndal torsdag. Kampen hadde ikkje all verda å seia – Sogndal har uansett vunne, og Jotun/Årdalstangen har uansett teke 2. plass.

– Klassespel av målvakt Hunderi

Når sluttresultatet altså vart 23 - 16 til dei kvitkledde er det eit resultat som lyg, ifølgje Sveinsson.

– Første gong dei kom i leiing var heilt mot slutten av første omgang.

Han tykkjer ikkje Sogndal treng bekymra seg for å ikkje bli matcha i divisjonen – førre kamp tapte sogndølene med seks mål mot Vik, og i denne kampen var dei på ingen måte suverene, slik kampen utspelet seg.

– Det kunne ha bikka eine eller andre vegen i andre omgang – i dag skulle det ikkje gått Sogndal mykje imot for at me hadde vunne.

– Kvifor vart det  til slutt likevel ein ganske klar siger resultatmessig?

– For å vera ærleg er me ikkje fysisk godt nok trente til å halda trøkket oppe i seksti minuttar. 

Til pause stod det 13 - 11. Andrea Luggenes vart toppskårar med sju nettkjenningar.

Og Sveinsson skryt særskild av målvakt Ann-Iren Hunderi.

– Ho var rå på bana i dag. Det er mykje høgare nivå enn fjerde divisjon, det ho levere. Rett og slett klassespel. 

Til toppen