SIKTA: To menn er sikta for valdtekt av ei kvinne i 20-åra.
SIKTA: To menn er sikta for valdtekt av ei kvinne i 20-åra. (Foto: Halvor Farsund Storvik / Arkiv)

To menn sikta og fengsla for ny valdtekt i Sogn

To menn sit fengsla for grov valdtekt av ei kvinne i 20-åra.

Indre Sogn: Mennene vart framstilte for varetektsfengsling i fire veker med brev- og besøksforbod i Sogn og Fjordane tingrett, torsdag.

Dei er begge sikta for valdtekt av éi kvinne i 20-åra.

Til NRK opplyser bistandsadvokaten til den fornærma kvinna at valdtekta vart utført av fleire personar:

– Valdtekta blei gjort av fleire i fellesskap i bustaden til kvinna. Det var ein fest tidlegare på kvelden, men festen var avslutta frå min klient si side, sa bistandsadvokat Synne Øren til avisa. 

Forsvarar til éin av dei sikta mennene, Louis Anda, seier til avisa at klienten nektar både kjennskap til saka og at det skal ha skjedd ei valdtekt, og vil anke fengslinga. 

Lene Knapstad, forsvarar til den andre sikta mannen, seier at klienten hennar ikkje erkjenner straffskuld for det han er sikta for. 

Til toppen