LYN OG TORDEN: Det er venta torevêr og kraftig regn på Vestlandet tysdag, då ein kald front kjem inn frå aust og kolliderer med den varme lufta. (Illustrasjonsfoto: Arkiv)

Torevêr erstattar tropevarmen, ventar kraftig regn og vind

Kald luft kjem inn frå aust og kolliderar med det varme klimaet på Vestlandet. Det kan føra til kraftig regn og torden i tillegg til litt kjøligare temperaturar.

Sunniva Knutsen
30. Jul 2019 - 11:03

Indre Sogn: Det melder Meteorologisk Institutt på Twitter tysdag.

Meteorologane har sendt ut farevarsel i vente av kraftige regnbyger på Vestlandet sør for Stad. Det er òg meldt torevêr og kraftige vindkast med bygene.

Faren skal ifølgje varslinga på Yr.no, auka tysdag klokka 12 og avta onsdag morgon.

Måndag kveld sa meteorolog Lars Andreas Selberg ved vervarslinga på Vestlandet til NRK at det kan bli «småskummelt» tysdag, grunna kollisjonen mellom kald luft frå aust og den varme lufta som ligg over Vestlandet.

– Det kan vera lurt å ikkje opphalda seg på toppen av eit fjell eller i nærleiken av eit tre, sa Selberg til NRK.