ULUKKE: Tre bilar var involvert i ulukka som stengde E16 fredag kveld. Alle naudetatane rykka ut til ulukka, inkludert luftambulanse.
ULUKKE: Tre bilar var involvert i ulukka som stengde E16 fredag kveld. Alle naudetatane rykka ut til ulukka, inkludert luftambulanse. (Foto: Arne Veum)

Ein person omkom etter at tre bilar var involverte i trafikkulukke i Flåm

Ulukka skjedde ved Fretheimstunnelen på E16 i Flåm.

Aurland: Klokka 18:43 melde Vest politidistrikt om ei trafikkulukke i Fretheimstunnelen på E16 ved Flåm i Aurland, omlag 100 meter aust for tunnelen.  

Tre bilar og tre personar var involverte i ulukka.

Alle naudetatane rykka ut, inkludert luftambulanse. Brannvesenet var framme klokka 18:48. Ei kvinne omkom i trafikkulukka. Ho var sjåfør i èin av dei tre involverte bilane. Sjåførane av dei to andre bilane vart sende til sjukehus eller legevakt for sjekk.

– Skadeomfang er ukjent, men begge vart skildra som vakne og medvitne, skriv politiet i ei pressemelding.

Tre tunnelar stengd, organiserer omkøyring

Vegen vart stengt etter ulukka. Etter ei stund vart det innført kolonnekøyring for personbilar forbi staden. Først klokka 05:07 vart vegen opna for fri trafikk etter opprydding.

Kriminalteknikarar frå politiet vil undersøka ulukka, i tillegg til ulukkesgruppa til Statens vegvesen.

ULUKKE: Fretheimtunnelen på E16 i Aurland er stengt grunna ei trafikkulukke. Skjermbilde: Google Maps
Til toppen