ULUKKE: Ein bil har køyrt av vegen på veg ned frå Hemsedalsfjellet mot Lærdal.
ULUKKE: Ein bil har køyrt av vegen på veg ned frå Hemsedalsfjellet mot Lærdal. (Foto: Google Maps/Skjermdump)

Bil mista kontrollen på veg ned Hemsedalsfjellet

Naudetatane er på veg til staden.

Lærdal: Oppdatering 20:57: Ambulanse har teke med seg til førar for sjekk. Ein beringsbil er på staden om kort tid og hentar bilen. Entreprenør er på veg for å strø.

Politiet melde klokka 20.00 at ein bil hadde køyrt i ei snøfonn eller fjellvegg i Mørkedalen like overfor Borlaug på veg ned frå Hemsedalsfjellet.

Det var opplyst å vera snø og glatt på vegen. Airbagen vart utløyst, og éin person var opplyst å vera i sjokk. Det er ukjent kva som var årsaka til ulukka.

– Det er meldt om ein del materielle skadar på køyretøyet, skriv politiet.

Ingen andre bilar skal vera involverte. Vegtrafikksentralen melde klokka 20:12 at det var redusert framkomme på staden. Politiet melder 21:40 at trafikken kan passera.

Det er ikkje opplyst ytterligare skadar på bilføraren, ein mann i 40-åra.

Har du tips eller bilete? Send på SMS til 907 03 711 eller på e-post til tips@porten.no.

Til toppen